Sinerissap qanittuani aqutsiveqarfimmi Upernavimmi umiatsiaaraq atorlugu qaleralinniarneq unitsinneqarpoq

Matumuuna nalunaarutigineqarpoq aqutsiveqarfimmi Upernavimmi sinerissap qanittuani umiatsiaaraq atorlugu qaleralinniarneq ataasinngorpat 18. marts unitsinneqassammat, Upernavimmi umiatsiaaraq atorlugu qaleralinniarnermi qaammatini pingasuni siullerni pisassat tamakkerneqalermata.
Ulloq 18. marts 2013 taamatut aamma umiatsiaaqqanut tunitsiviussaaq kingulleq.

Aalisarneq 879 tonsinik qaammatinut pingasunut pisassiissutilerlugu 1. april 2013 ammaanneqaqqissaaq.

 

Ilisimatitsissutigineqarsinnaavoq sinerissap qanittuani umiatsiaaraq atorlugu qaleralinniarnermi pisassiissutit sinneri 11. marts 2013-imi imaammata:

Upernavimmi 72 tons

Uummannami 364 tons

Qeqertarsuup Tunuani 629 tons

 

Ilisimatitsissutigineqarsinnaavoq angallatinut miiterit arfinillit qaangerlugit angissusilinnut pisassiissutit sinneri imaammata:

Uummannami 2.201 tons tons

Qeqertarsuup Tunuani 4.145 tons

Upernavimmi 3.429 tons