Aasaanerani nalunaaqutaq

Aasaanerani nalunaaquttap atorneqarnera atuutilissaaq 30. marts 2013

Aasariartuinnaleqaaraasit. Taamaammat ileqquusoq malillugu nalunaaqutaq akunnermik ataatsimik siuartittussanngorparput. Tamanna martsip naanerani week-endimi kingullermi pissaaq, taamaasippat aasaanerani nalunaaquttap atorneqarnera aallartissaaq.

Kitaani Tasiilamilu arfininngornermi martsip 30-ani 2013 nal. 22.00 nalunaaqutaq akunnermik ataatsimik siuartillugu 23.00-mut inissinneqassaaq.

Ittoqqortoormiuni sapaammi martsip 31-ani 2013 nal. 00.00 nalunaaqutaq akunnermik ataatsimik siuartillugu 01.00-mut inissinneqassaaq.

Pituffiup eqqaani sakkutooqarfimmi Danmarkshavnimilu aasaanerani nalunaaquttamik aalajangersaasarneq atuutinngimmat, sumiiffinni pineqartuni nikisitsisoqanngilaq.

Nalunaaquttap aasaanerani nalunaaquttamut allanngortinneqartarnera pisarpoq aasaanerani nalunaaquttap atornerata aalajangersarneqarnera pillugu Namminersorlutik Oqartussat nalunaarutaat nr.15, 20. oktober 2009-meersoq naapertorlugu.