Inuusuttut ingerlalluarnerat pillugu nalunaarusiaq

Misissuinerup nutaap takutippaa Kalaallit Nunaanni inuusuttut amerlanersaat peqqissumik toqqissisimasumillu peroriartortut. Taamaattoq aamma arlaqaqisunik inuusuttoqarpoq ajornartorsiuteqartunik.

Misissuineq Statens Institut for Folkesundhedip, Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisoqarfiup aamma PAARISAp suleqatigiinnerisigut nunatsinni piffinni assigiinngitsuni meeqqat atuarfiini 12-ni 9. aamma 10. klasseni ingerlanneqarpoq.

Nalunaarusiami pingaarnertut qulequtarineqartut tassaapput inuusuttut atugarissaarnerat tarnikkullu peqqissusaat, ilanngullugit imminut toqunniarnermik pissusilersuutit, persuttaaneq, ilaqutariinni qaninnerpaani atornerluinermik ajornartorsiutit, kinguaassiuutitigut atoqatigiinnermik misilittakkat kiisalu kinguaassiuutitigut atornerluinerit. Taamaasilluni pissutsit inuusuttuunermik immikkut atoruminaatsitsilersartut nalunaarusiami qitiutinneqarput, taamaasillutillu peroriartornermi atugarisat atoruminaatsut qanoq annertuginerannik qanoq ittuunerannillu kiisalu inuusuttut atugarissaarnerat atugarlunnerallu pillugit ilisimasanik pingaaruteqartunik tunniussisuullutik.

2011-mi misissuineq siusinnerusukkut misissuinerup 'Kalaallit Nunaanni Inuusuttut Atugarissaarnerat 2004'-p malitsigaa. Misissuineq nutaaq inuusuttut angerlarsimaffimmi, atuarfimmi sunngiffimmilu inuunerminni atugarisaat pillugit kisitsisinik amerlanerusunik assigiinngisitaarnerusunillu ilaqarpoq. Misissuineq Namminersorlutik Oqartussat tusagassiortunik katersortitsisarfiani aqagu ulloq 12. februar kl. 10.00-11.00 saqqummiunneqassaaq.



Saqqummersitaq ugguuna aajuk