Ulloq unnuarlu paaqqinnittarfiit immikkoortortaqarfiat nutaamik nittartagartaarpoq

Ilisimatitsissutigissavarput Ulloq unnuarlu paaqqinnittarfiit immikkoortortaqarfiat (UUPI) Ilaqutariinnermut, Kultureqarnermut, Ilageeqarnermut, Naligiissitaanermullu Naalakkersuisoqarfimmiittup sulissutigimmagu nutaamik nittartagassaminnik inerisaaneq, tassanilu qitiutillugu suliarineqarmat ulloq unnuarlu paaqqinnittarfiit iluani suliaasartut. Nittartakkap aqqa tassaavoq:www.uupi.gl . Ulloq Unnuarlu Paaqqinnittarfiit Immikkoortortaqarfinnullu UUPI naalisaataavoq.


www.uupi.gl –mi ulloq unnuarlu paaqqinnittarfiit ataasiakkaat pillugit paasissutissat nassaarineqarsinnaapput, nakkutilliinermiit nalunaarusiat nutaanerpaat, aammalu sukumiinerusumik aaqqissuussaaneq pillugu paasissutissat nassaassaallutik. Ulloq unnuarlu paaqqinnittarfiit pillugit suliallit paasisaqarfigerusukkaanni aamma nittartakkami tikkuussissuteqarpoq, taamatullu nalunaarusiat aammalu paasisat nutaatwww.uupi.gl –mi alakkarneqarsinnaasassallutik. Nittartakkap siunertaraa pineqartuni paasissutissanik paarlaasseqatigiittarnerup inerisarneqarnissaa. Taamaammat soqutigilluinnarparput paasissutissanik tulluarsinnaasunik ilissinniik tigusaqartarnissarput, nittartakkamut ilisarsinnaaniassagatsigit.



Saniatigut UUPI suliaminnik aammalu sulissutiginiakkaminnik takussaanerulertitserusuppoq, taamaammallu suliniutinut paasissutissat aammalu ingerlatat nittartakkamut ilineqartarumaarlutik. Qitiusumik Utaqqisut Allattorsimaffiannut (QUA) paasissutissat immersugassallu nittartakkami aamma aaneqarsinnaassapput, taamatullu aamma pissallutik nalunaaruteqarniarnermi immersugassat www.uupi.gl –mi aaneqarsinnaassallutik.


Naqissuserneqassaaq nittartagaq suli inerisarneqarmat, taamaammat ineriartortitsineq pitsaanngorsaanerlu sulissutigiuarumaaratsigit. Aalajangersimavugut nittartakkap suli suliarinerani ammassallugu, pissutigalugu paasissutissarpassuit iliorarneqareermata, sullissisut isumaginnittut allallu soqutiginnittut soqutigisinnaasaat.


Neriuppugut nittartagaq iluaqutigineqarumaartoq, atuisutullu nuannaarutigiumaarissi! Arlaannik ippigisaqarussi soorunami nuannaarutigissaqaarput nalunaarutigisinnaasuugussigit, taamaalillutawww.uupi.gl pitsanngorsartuarniarumaaratsigu.