Soraarneq Naalakkersuisut ajuusaarutigaat

Ivalo Egedep KNR-imi pisortatut atorfimminit soraarnissaminik aalajangersimanera paasillugu Naalakkersuisut ajuusaarutigeqaat.

Innuttaasunik kiffartuussinermi aallakaatitsinermik ingerlatsivitoqqami qangali pisariillisaanissat nutarterinissallu pisariaqavissut aallartisarneqarnissaat Ivalo Egedep pisortaanermini sapiissuseqar­figalugulu ilisimasaqarfigilluarsimavaa.


Suliap taassuma sivisullunilu imaannaanngitsuunera Naalakkersuisuni ilisimavarput, aammalu Ivalo KNR-ip nutaamik aaqqissuunneqarnerani annertuumik suliaqarsimanera pillugu qutsavigerusulluti­gu, kiisalu siunissami sulinissaani pitsaanerpaamik kissaapparput.


Naalakkersuisut neriupput suliamik aallartinneqareersumik, aammalu innuttaasunik kiffartuussiner­mi aallakaatitsinermik ingerlatsiviup ullutsinnut naleqquttunngorsarneqartariaqarluinnartup sulissu­tiginissaanik nangitsisussamik KNR-ip siulersuisui pissarsiumaartut.