Ataatsimiititaliarsuup suliassani aallartippaa

Nunalerinermut Ataatsimiititaliarsuup suliani aallartillugu siullermeerluni ataatsimiippoq marlunngorneq 5. februar 2013. Nuannaarutigalugu oqaatigissavara suliniaqatigiiffiit, peqatigiiffiit suliffeqarfiillu ataatsimiititaliarsuarmut ilaasortaatitaqaqqullugit Aalisarnermut, Piniarnermut Nunalerinermullu Naalakkersuisoqarfimmit kajumissaarneqarsimasut tamarmiullutik suliamut suleqataaniarlutik nalunaarsimammata. 

Taamaalilluni Ataatsimiititaliarsuaq savaatilinnit, aningaaserivinnit, pisiniarfinnit, nunalerinermillu suliaqarnermik attuumassutilinnit ilaasortaqalerpoq. Ataatsimiititaliarsuup suliassaasa pingaarnersaasa ilagissavaat savaateqarnermit / nunaateqarnermit nunatsinni immini, pingaarnertut savaaqqat, tuttut nersutillu neqaannik, minnerunngitsumillu naatitanik pilersorneqarneqarup annertusarneqarnissaanut aqqutissiuissalluni.

Naalakkersuisut pingaartippaat ataatsimiititaliarsuup suliaata kingunerisassaasa ilagissagaat savaateqarnerup / nunaateqarnerup nammineq a-ningaasaqarnermigut nappassinnaanerusup anguneqarnissanut aqqutissiunissaq. Soqutigisaqaqatigiit assigiinngiiaartut suleqatigiilluarnissaannik kissaappakka qilanaareqalugulu inaarutaasumik innersuussutissaat, tassami tamatta kissaatigigatsigu nuna-lerinermik inuussutissarsiuteqarnerup siuariartortinneqarnissaa aningaasaqarnikkullu nammineq nammannerulernissaa.