Peqqinnissaqarfimmi atorfinitsitsineq

Peqqissutsimut Pitsaaliuinermullu Aqutsisoqarfiup Anne-Marie Ulrik nakorsat qullersaattut Ella Skifte-lu peqqissaasut qullersaattut atorfinitsippai. Taamasillutik qullersaqarfimmi atorfiit tamarmik inuttassarsineqarput.

Peqqinnissaqarfiup qullersaqqarfinia peqqinnissaqarfimmik aqutseqatigiit- nakorsat qullersaata peqqissaasullu qullersaata saniatigut - tassaapput aqutsisoqarfimmi pisortatut atorfinitsitaaqqammersoq Jóanis Erik Køtlum kigutillu nakorsaasa qullersaat Frank Senderovitz. Qullersanngortussat pingasut apriilip aallaqqaataani 2013 atorfinissapput.

Nakorsat peqqissaasullu qullersaat tamarmik Kalaallit Nunanni peqqinnissaqarfimmi sulinermik misilittagaqarluartuupput.

Anne-Marie Ulrik 61-inik ukioqartoq nakorsaanertut sinititsinermik immikkut ilisimasaqartuuvoq innutaasullu peqqissuunissaannut tunngatillugu ilinniargartuujulluni (Master of Public Health), Qeqertarsuup Tunuani peqqinnissaqarfiup immikkoortuani nakorsat qullersaattut atorfeqarpoq. Anne-Marie Kalaallit Nunaanni nakorsatut aqutsisutut misilittagaqartuuvoq aaqqissuussanermullu, aqutsinermut ilinniakkatigullu paasisimasaqarluarluni.

Ella Skifte 53-inik ukioqarpoq PAARISAMI pisortatut peqqissaasullu qullersaattut atoratorfeqarallartuuvoq. Ella aqutsinermik ilinniarsimasuuvoq (Diplom i ledelse ) HD-lu ingerlallugu. Ella Kalaallit Nunaanni peqqissaasutut atorfiit qaffasissutsimikkut assigiinngitsut misilittagaqarfigai. Ella peqqinnissaqarfimmi ilinniartitaanermut ineriartornermullu suliniuteqartuuvoq.

”Peqqinnissaqarfiup qullerasanngortut tikilluaqqunissaat qilanaaraa. Anne-Marie Ulrik, Ella Skifte Jóanis Erik Køtlum-illu atorfinitsinneranni nukittuunik aqutseqatigeeqalissaaq. Tassaappummi aqutsisut sungiussilluarsimasut Kalaallillu Nunaanni Savalimmiunilu peqqinnissaqarfimmi sulinermik misilittagaqarluartut”, taama oqarpoq Aqutsisoqarfimmi pisortaagallartoq Anders Læsøe.