Inatsisartunut qinersinissamik nalunaaruteqarneq

Naalakkersuisut Siulittaasuata ullumi sisamanngornermi januarip 31-ani 2013-mi inatsisartunut qinersinissaq nalunaarutigaa Inatsisartut Naalakkersuisullu pillugit Inatsisartut Inatsisaanni § 26 naapertorlugu.

Inatsisartunut qinersisarneq pillugu Inatsisartut inatsisaanni § 6, imm. 3 naapertorlugu Naalakkersuisut Siulittaasuata ulloq Inatsisartunut qinersiffissaq aalajangerpaa pissasoq:

Marlunngorneq 12. marts 2013 nal. 09.00-miit 20.00-mut

Inuit qinerneqarsinnaasut qinersinissamut ima qinigassanngortissinnaapput:

  • Partii sinnerlugu
  • Kisimiillutik qinigassanngortittut, aamma
  • Kisimiillutik qinigassanngortillutik kattusseqatigiittut qinigassanngortittut

Inatsisartunut qinersinermi peqataasinnaatitaapput partiit, Inatsisartunut kingullermik qinersineqarmat anngullutik Inatsisartuni ilaasortaatitaqalersimasut sulilu ilaasortaatitaqartut.

Kisimiilluni qinigassanngortinniaraanni piumasaqaataavoq minnerpaamik 40-nit amerlanerpaamillu 50-nit qinersivimmi qinersisartunit atsiortoqarsimanissaa.

Inatsisartunut qinersinissamut qinigassanngortittut nalunaarutigineqarneri kommunemi qinersinermut siulersuisunut tunniunneqassapput kingusinnerpaamik:

Marlunngorneq 19. februar 2013 nal. 12.00

Partiit nutaat, inatsisartunut qinigassanngortinniartut atsiortitsinernik 919-nik katersissapput. Atsiornerit nalunaarutigineqassapput uunga Qinersinermut Ataatsimiititaliaq, Postboks 1614, 3900 Nuuk, kingusinnerpaamik


Marlunngorneq 5. februar 2013

Inatsisartunut qinersinermut atatillugu ullumikkumiit 31. januar 2013 taasisoqarsinnaavoq taasinermut allagartamik nassiussinikkut (allakkatigut taasineq). Kommunemi inuit allattorsimaffiat saaffigineqarsinnaavoq annertunerusumik paasissutissanik pissarsiumagaanni.