Saattuanik aqutsinissamik aalajangersaaneq

2013-imi TAC-imik aamma saattuanik aqutsinissamik aalajangersaaneq

Naalakkersuisut 31. december 2012 ataatsimiinnerminni aalajangerpaat Kitaani saattuanut TAC katillugu 2.580 tonsinut aalajangiunneqassasoq.Taakkunanngalu 250 tonsit EU-mut pisassiissutigineqassapput aalisarneq pillugu isumaqatigiissummut ilaliussaq nutaaq naapertorlugu.

Naalakkersuisut aalajangerpaat pisassiissutit imatut agguaanneqassasut:

Aqutsiveqarfik

Sumiissuseq

Sinerissamut qanittumi pisassiissutit (tons)

Avataasiorluni aalisarnermi pisassiissutit (tons)

Upernavik

71°30 – 75°00

0

250*

Qeqertarsuup Tunua-Uummannaq

68°00 – 71°30

500

250*

Sisimiut

66°00 – 68°00

300

Matoqqavoq

Maniitsoq-Kangaamiut

64°15 – 66°00

300

250*

Nuuk-Paamiut

60°45 – 64°15

800

250*

Narsaq-Qaqortoq

59°00 – 60°45

430

250*

Katillugit

2.330

250*

* Pisassiissutit taakku tassaapput EU-mut pisassiissutit ataatsimoortut, imartat aqutsiveqarfiinni tamani avataasiorluni aalisarneqarsinnaasut.

Aalajangersakkat allat

Naalakkersuisut aamma aalajangerpaat 2013-imi akuersissummik qinnuteqartut akuersissummik tunineqassappata taava piumasaqaataassasoq 2012-imi saattuarniarsinnaanermut akuersissummik peqarsimanissaq kiisalu nalunaarutigineqassaaq saattuarniarneq pillugu nalunaarut naapertorlugu aqutsiveqarfinni marlunni angallatip ataatsip akuersissuteqarsinnaanera periarfissaassammat.

Naggasiullugu Naalakkersuisut aalajangerpaat Pinngortitaleriffiup piffissap aalisarfissap marsip naalerneraniit juulip qiteqqunneranut ingerlanneqarnissaanik kaammattuutaa inuussutissarsiortunut isummerfigisassanngorlugu ingerlateqqinneqassasoq, taamaalilluni aalisartut nioqqutissiortullu ataatsimoorlutik kaammattuut taannaa malitseqartinniassammassuk.