Siunnersuisoqatigiinnut siulittaasoq nutaaq

Ukiumi nutaami ataatsimiinnermi siullermi Aalisarneq pillugu Siunnersuisoqatigiinnut suleriaaseq naapertorlugu siulittaasumik siulittaasullu tullianik toqqaasoqartassaaq. Siulittaasoq toqqarneqartarpoq Sulisitsisut Peqatigiiffiannit aamma KNAPK-mit nikittaallutik.

Siulittaasuujunnaartoq Petrus Biilmann, KNAPK-meersoq, Bent Sørensen-imit, GA-meersumit taarserneqassaaq, taanna Aalisarneq pillugu Siunnersuisoqatigiinnit isumaqatigiittunit 2013-imut siulittaasussatut toqqarneqarpoq. Petrus Biilmann, KNAPK, Siunnersuisoqatigiinnut siulittaasup tulliatut ingerlaqqiinnassaaq.

Aalisarneq pillugu Siunnersuisoqatigiit, aalisartut soqutigisaqaqatigiiffittut kattuffiannit inuttalersorneqartartoq, siunertaqarpoq Naalakkersuisunut sulianik aalisarnermut tunngasunik siunnersuisarnissamik.