Mimi Karlsenip Tasiilaq tikeraarpaa

Ilaqutariinnermut, Ilageeqarnermut, Kultureqarnermut Naligiissitaanermullu Naalakkersuisoq Mimi Karlsen maannakkut Tasiilamut angalavoq. Naalakkersuisunut ilaasortap Tasiilamiinnermini ulluni siullerni pulaarpai meeqqanut ulloq unnuarlu angerlarsimafik Prinsesse Margrethe Børnehjem aamma Tasiilami Katersugaasivik kiisalu sapaammi naalagiaqatigeereernerup kingornagut Ilagiit Siiniisaat ataatsimeeqatigalugit.

Mimi Karlsen-ip Tasiilamiinnermini ullut marluk siulliit pillugit ima oqarpoq:

”Pulaakkakka assigiinngitsut pissarsiaqarfigilluarpakka. Prinsesse Margrethe Børnhjem-imi meeqqat isumagilluarneqarnerat isumalluarnarpoq. Ilagiit Sinniisaat ataatsimeeqatiginerini aamma paasinarpoq maani ilagiit isumagilluarneqartut. Katersugaasivimmi qulakkeerneqarsimavoq siuaasat kingornutassiaasa tammatsaalineqarnerat”.

Mimi Karlsenip Tasiilaminnermi sinnerani ilaatigut pulaassavai, Tasiilami Ammerivik, meeqqat ornittagaat ”Amarngivat”, atuarfik Utoqqaallu Illuat.

Mimi Karlsen Tasiilap katersortarfiani unnugu sapaammi 14.jan.2013 nal. 19-21 Tasiilami innuttaasunut ataatsimiisitsissaaq.