Pinngortitaq Avatangiiserlu igitaqarfiunngitsoq

Immikkoortumi ”Pinngortitaq Avatangiiserlu igitaqarfiunngitsoq” Namminersorlutik Oqartussat Pinngortitamik Avatangiisinullu mianerinninneq pillugu nersorinnilluni 2012-imi akissarsiaq Karl Lyngemut, Ilulissat, tunniunneqarpoq

Anthon Frederiksen

Tallimanngornermi januarip 18-iani 2013-imi katerisimaarnermi Nunamut Namminermut Avatangiisinullu Naalakkersuisup Anthon Frederiksenip Namminersorlutik Oqartussat Pinngortitamik Avatangiisinillu mianerinninneq pillugu nersorinnilluni 2012-imi akissarsiaq Karl Lyngemut tunniuppaa.

Inuit, sullissiveqarfiit, suliffeqarfiit soqutigisaqaqatigiiffiilluunniit tamatsinnik pinngortitamik avatangiisimillu mianerinninnissatsinnik ilisimaarinnilersitsisut imaluunniit Kalaallit Nunaanni suliniuteqarnermikkut avatangiisitsinnik pitsanngorsaataasumik iliuuseqarsimasut nersorniarlugit akissarsiaq tunniunneqartarpoq.

Pinngortitamik Avatangiisinillu mianerinninneq pillugu nersorinnilluni 2012-imi akissarsiap Karl Lyngemut tunniunneqarneqarnissaanik Naalakkersuisut toqqaagamik imaattumik tunngaveqarput:

“Karl Lynge, soraarneq, ukiuni amerlasuuni Ilulissat illoqarfiata saligaatsuunissaa isumagisaraa. Eqqakkanik katersuiuartuusimavoq, suligaluaruni sulinngikkaluaruniluunniit. Karl Lynge illoqarfimmi suli saliinnermik isumagisaqartarpoq, taamaaliortarneralu illoqarfimmut Ilulissanut annertuumik pingaaruteqarpoq.

Karl Lynge suliniuteqarluartartuuvoq, pinngortamullu avatangiisinullu pitsanngorsaataasumik ukiut ameerlasuut annertuumik suliaqarsimanera nersorneqartariaqarluni.”

Oqalugiaat uani atuarneqarsinnaavoq.