Qaleralinniarnermi pisassiissutit

Sinerissap qanittuani umiatsiaararsorluni qaleralinniarnermi kvartalikkaarlugu pisassiissutinik atuutilersitsineq

Naalakkersuisut 17. januar 2013 ataatsimiinnerminni ima aalajangerput:

Aqutsiveqarfinni Ilulissani, Uummannami Upernavimmilu 1. januar 2013-imiit 31. december 2013-imut umiatsiaaqqanut kvartalikkaarlugu pisassiissutinik periutsit uku atorlugit atuutilersitsisoqassaaq:

Umiatsiaaqqanut pisassiissutit tamarmiusut 20 %-ii qaammatinut kingullernut pingasunut immikkoortinneqassapput. Pisassiissutinit sinneruttut 80 %-it ukiumi qaammatinut qulingiluanut sinneruttunut assigiiaamik agguarneqassapput.

Aalisartut tunisassiortullu isumaqatigiissinnaappata immikkut isumaqatigiissutit akuersaarnissaannut naalakkersuisoqarfik ammavoq. Aalisartut tunisassiortullu taamaalillutik pissutsinut naleqqussaanissaq pillugu isumaqatigiissusiorsinnaapput.

Pisassiissutit imatut agguarneqassapput:

Ilulissat

Uummannaq

Upernavik

Kvartali siulleq (januar, februar, marts):

934,9 tons

1.043 tons

879,9 tons

Kvartalit aappaat (april, maj, juni):

934,9 tons

1.043 tons

879,0 tons

Kvartalit pingajuat (juli, august, september):

934,9 tons

1.043 tons

879,0 tons

Kvartalit sisamaat (oktober, november, december):

701,2 tons

782,3 tons

659,9 tons

Pisassiissutit tamarmiusut: 10.717 tons

3.505,9 tons

3.911,4 tons

3.299,7 tons

Kvartalimut pisassiissutit tamakkerlugit pisarineqarpata aalisarneq unitsinneqassaaq. Kvartalimi pisassiissutit tamakkerlugit pisarineqanngippata pisarineqanngitsoortut kvartalimut tullermut nuunneqassapput.

Sinerissap qanittuani qaleralinniarnermik siunissami aqutsinissaq pillugu suleqatigiissitaliap siunnersuutaa taamaasillugu tamakkiisumik Naalakkersuisunit malinneqarpoq.


Ane Hansen
Aalisarnermut, Piniarnermut Nunalerinermullu Naalakkersuisoq