Imigassaarniarnerup sivitsorneqarnissaa

Inatsisartut ukiaanerani ataatsimiinnerminni imigassaarniarnerup sivitsorneqarsinnaanera akuersissutigaat. Inatsisartut aalajangiussaata qaqugu atuutilersinneqarnissaata nalornissutaanera, Peqqissutsimut Naalakkersuisoqarfiup maluginiarpaa.

Imigassaarniarneq inatsisitigut maleruagassiiuuneqartarpoq Inatsisartullu imigassaarniarnermut atatillugu nutaanik periarfissiinerat, inatsimmik atuuttumik allannguinermik kinguneqassaaq. Naalakkersuisut inatsisissamik nutaamik imigassaarniarnerup sivitsorneqarneranik ilalimmik siunnersuusiussaaq. Inatsisissamik suliaqarnermi suleriaatsit aalajangersimasut maleruagassaapput. Taamaammat inatsimmik allannguineq siusinnerpaamik Inatsisartut 2013-imi ukiakkut ataatsimiinneranni Inatsisartunit akuerisassanngorlugu saqqummiunneqarsinnaavoq.

Tamatuma tungaanut inatsimmi maannamut atuuttumi maleruagassat atuutiinnassappu, tassalu ulluinnarni unnukkut nal. arfernup tungaanut sapaatillu akunnerisa naanerini ualikkut nal. ataatsip tungaanut imigassaarniartoqarsinnaavoq.

Imigassaq pillugu inatsimmik unioqqutitsineq akiliisitsinermik kinguneqassaaq imigassaarniarsinnaanermullu akuersissummik arsaarinnissutaasinnaalluni.