Nunanut Allanut tunngassutigut naalakkersuinikkut ingerlatsineq pillugu nassuiaat

Nunanut Allanut tunngasutigut naalakkersuinikkut ingerlatsineq pillugu nassuiaat Namminersorlutik Oqartussat nunanut allanut tunngasutigut ingerlatsinera pillugu ukiumoortumik takussutissiaavoq. Naalakkersuisut ukiut tamaasa Inatsisartunut Nunanut Allanut tunngasutigut Nassuiaammik saqqummiisarput. Nassuiaatikkut siunertarineqarpoq Naalakkersuisut ukiumi qaangiuttumi nunanut allanut naalakkersuinikkut nunanullu tamalaanut tunngasutigut suliniutit pillugit naatsumik saqqummiussisarnissaat, tamannalu tunuliaqutaralugu siunissami suliniutissat pillugit periarfissanik tikkuussinissaq.

Qanoq iluseqarnissaa imarisassaalu aalajangersarneqarput, taamaalillutik Naalakkersuisut naalakkersuinikkut ingerlataat, allaffeqarfimmi atugarisat aamma angusarisat ataqatigiinnerat ersarissummik takutinniarneqartarlutik. Taamaattumik Nassuiaat Inatsisartut upernaakkut ataatsimiinneranni saqqummiunneqartarpoq, taamaalilluni nalilersuinermi ukioq missingersuusiorfiusoq isiginiarneqartarluni.

Nassuiaammi immikkoortoq I: Kalaallit Nunaata nunani tamalaanik suleqateqarnera tamatigoortumik isigalugu samminninneruvoq. Immikkoortoq I, Kalaallit Nunaata nunanut allanut, sillimaniarnikkullu naalakkersuinikkut pissutsinik kiisalu Naalakkersuisut issittumi, nunani avannarlerni, Europami nunarsuarmilu tamarmi suleqatigiinnernut peqataaneranik misissuataarinnittuuvoq.

Susassaqarfiit ataasiakkaat annertunerujartuinnartumik nunarsuarmioqatigiinnermik sunnerneqariartuaarput.

Nassuiaatip immikkoortuata aappaanni suliassaqarfinni suliaqarnermi nunani allani naalakkersuinikkut attuumassuteqartut pineqarput, maannakkorpiaq naalakkersuinikkut suliniutaasut pingaartinneqarlutik.

Nunanut Allanut tunngasutigut naalakkersuinikkut ingerlatsineq pillugu nassuiaatit kalaallisoortut danskisoortullu aaniarukkit takanna