Nunani allani Nuummilu Nunanut Allanut Naalakkersuisoqarfimmi suliffimmik misiliinissaq

Kalaallit Nunaata Sinniisoqarfiini Nunallu Allanut Naalakkersuisoqarfimmi suliffimmik misiliisinnaanermut paasissutissat

Qaffasinnerusumik ilinniartut periarfissaqarput ilinniagaqarnermut atatillugu naleqquttumik Nuummi Nunanut Allanut Naalakkersuisoqarfimmi imaluunniit Bruxelles-imi Washington D.C.-mi Reykjavik-imiluunniit sinniisoqarfinni suliffimmik misiliinissaminnut.

Misiliinissaq imaalillugu piareersarneqassaaq anguneqareersut nuussinnaanngorlugit, matumani suliffimmik misiliisup ilinniarfia akuersisinnaappat. Suliffimmi misiliinerup pingaarnertut siunertaraa suliffimmi misiliisup ilinniarneranut misiliineq iluaqutaassasoq aamma sinniisoqarfimmi nunanut allanut sinniisoqarfimmi allatsinik siunnersorteqarluni suliffeqarfiup suliassaannik suleriaasiinillu ilisimasaqalernissaq.

Periarfissamik neqerooruteqarpugut, ilinniagaqartut ilinniakkatigut ilisimasanik nalinginnaasumik pissutsini atuisinnaanngortillugit. Ilinniartoq suliniutinik suliassanillu arlalinnik pissanganartunik suliaqarnissaminut periarfissaqassaaq, suliniutit suliassallu piareersarneqarsimasut pineqarsinnaapput, kisianni aamma suliassat tassanngaannartumik takkussinnaasarput.

Qinnuteqartup suliffimmi misiliinerup nalaani ilinniarfimmi qaffasinnerusumi ilinniagaqartutut nalunaarsorsimaannarnissaa piumasaqaataavoq. Sinniisoqarfimmi pineqartumi suliffimmi misiliiffinni ataasiakkaani imaritinneqartussat atugassarititaasullu aalajangerneqassapput, qinnuteqaallu maanga toqqaannartumik tunniunneqassaaq. Suliffimmik misiliinermi akissarsiaqartitsisoqanngilaq, kisianni sinniisoqarfinni suliffimmik misiliinermi qaammammut 2500-4000 kr.-inik inuuniarnermi aningaasartuutit ilaat akilerneqarnissaannut matussutissiisoqarsinnaavoq. Suliffimmik misiliiffimmi inuuniarnermut aningaasartuutit apeqqutaallutik tapiissutit allanngorartuupput.
Suliffimmik misiliinermi piffissaliussat sumiiffik apeqqutaalluni assigiinngissinnaaneri maluginiaqquneqarpoq.

Allagarsiussat
Nuummi Nunamut Allanut Naalakkersuisoqarfik


2021-imi ukiakkut suliffimmik misiliinissamut allagarsiussaq


Suliffimmik misiliinissamut apeqqutissaqaruit AC-Fuldmægtigi Kuluk Lyberth kuly@nanoq.gl saaffiginniffigiuk.

Nuummi Nunanut Allanut Naalakkersuisoqarfik pillugu uani paasisaqarnerusinnaavutit.

Bruxelles-imi Kalaallit Nunaata Sinniisoqarfia

2021-imi ukiakkut suliffimmik misiliinissamut allagarsiussaq

Suliffimmik misiliinissamut apeqqutissaqaruit Aallartitaqarfimmi allatsi Monika Paulli Andersen mopa@nanoq.gl saaffiginniffigiuk.

Bruxelles-imi Sinniisoqarfik pillugu uani paasisaqarnerusinnaavutit.

Washington D.C.-mi Kalaallit Nunaata Sinniisoqarfia

Sinniisoqarfik 2021-imi ukiakkut suliffimmik misiliisussamik pissarsiunngilaq

Suliffimmik misiliinermi piffissaliuussaq: Upernaakkut: 1. februar – 31. juli | Ukiakkut: 1. august – 31. januar.

Suliffimmik misiliinissamut apeqqutissaqaruit Aallartitaqarfimmi allatsi Catherina Hvistendahl cahv@nanoq.gl saaffiginniffigiuk.

Washington D.C.-mi Sinniisoqarfik pillugu uani paasisaqarnerusinnaavutit.

Reykjavik-imi Kalaallit Nunaata Sinniisoqarfia

2021-imi ukiakkut suliffimmik misiliinissamut allagarsiussaq

Suliffimmik misiliinissamut apeqqutissaqaruit allatsi Birta Jóhannesdóttir birj@nanoq.gl saaffiginniffigiuk.

Reykjavik-imi Sinniisoqarfik pillugu uani paasisaqarnerusinnaavutit

Suliffimmik misiliinissamut paasissutissat ataatsimoortut uani atuakkit.