Nunani avannarlernik Isumasioqatigiissitsineq 2019

Nunani Avannarlerni Suleqatigiinnermut Naalakkersuisoq aamma Inuussutissarsiornermut Nukissiuuteqarnermullu Naalakkersuisoq aamma Nunani allani Naalakkersuisoqarfik 29. marts 2019-imi Katuami Nuummiittumi nunani avannarlerni suleqatigiinneq aamma Kalaallit Nunaanni inuussutissarsiutinik ineriartortitsineq pillugit Nunanik Avannarlernik Isumasioqatigiissitsipput.

”Kalaallit Nunaata nunat avannarliit suleqatigiinnerannut peqataanera Kalaallit Nunaannut nunanut allanut tunngasunik naalakkersuinikkut ingerlatsinermut aallaaviuvoq, tassuuna naalakkersuinikkut apeqqutit pisariaqalersut oqallisissanngortinneqartarmata. Tamakku ilaatigut tassaapput killeqarfinni akimmisaarutaasartut, suliffeqarneq, ilinniartitaaneq, inuussutissarsiorneq takornariaqarnerlu”,

Nunani Avannarlerni Suleqatigiinnermut Naalakkersuisoq isumasioqatigiinnermik aallarniisuussaaq Kalaallit Nunaatalu Nunani Avannarlerni Ministerit Siunnersuisoqatigiivisa sulinerannut peqataanera aamma Kalaallit Nunaata, 2020-mi Nunani Avannarlerni ministerit siunnersuisoqatigiivinut danskit siulittaasuunerata ilaatut, 2020-mi siulittaasuusinnaanera oqalugiaatigivaa. Oqalugiaat kakkiussami atuarneqarsinnaavoq.

Inuussutissarsiornermut Nukissiuuteqarnermullu Naalakkersuisoq Aqqalu Jerimiassen nutarterineq annertusaanermillu naalakkersuinikkut ingerlatsineq pillugit oqalugiatsigivaa, saqqummiussaq kakkiussami atuarneqarsinnaavoq

Ukioq manna tikeraatut oqalugiartussanut ilaapput Senior Director Søren Kjær Mortensen Nordisk Investeringsbankimeersoq, Arktisk facilitit pillugu saqqumiivoq, saqqummiussaq kakkiussami atuarneqarsinnaavoq.

Nunani Avannarlerni Siunnersooqatigiit (NAPA) killeqarfiit akimmisaartitsinerat aammalu Info Norden pillugit saqqummiussaa kakkiussami atuarneqarsinnaavoq

Eqqartuussissuserisoq Henrik Græsdal Elmann Advokat partnerselskabimeersoq, saqqummiussaa kakkiussami atuarneqarsinnaavoq.

Pisortaq Sverri Hansen Vestnordenfondenimeersoq, Nunani avannarlerni killerni, Kalaallit Nunaanni niunernikkut suliniutit aningaasalersorneqarnissaa pillugu saqqummiussaq Kakkiussami atuarneqarsinnaavoq.

Komitemut ilaasortaq Per Buhl Nordisk Atlantikup Avannaani suleqatigiiffik (NORA) pillugu saqqummiussaa kakkiussami atuarneqarsinnaavoq.
 
Nunat Avannarliit 2019-imi isumasioqatiginnerat Katuamit Nuummiittumit qarasaasiat aqqutigalugit toqqaanartumik isiginnaarneqarsinnaavoq, una attaveqarfissaq toorlugu: https://digitalimik.adobeconnect.com/nordiskseminar2019/

Nunat Avannarliit 2019-im isumasioqatigiinnissaanni pisussat takuneqarsinnaavoq

Nunat Avannarliit 2019-imi isumasioqatigiinnissaannut allakkiaq takuneqarsiinaavoq