2015-mi Nunat Avannarliit suleqatigiinneranni Kalaallit Nunaat

Nunat Avannarliit Ministerinut Siunnersuisoqatigiiffianni siulersuisuneq nunani avannarlerni naalagaaffinni tallimaasuni paarlakaajaattumik aqunneqartarpoq. 2015-imi Danmark sulinermi siuttuussaaq, Naalagaaffeqatigiinnermilu namminersorlutik nunat ingerlasut - Kalaallit Nunaat Savalimmiullu - suliassani akuulluarlutik peqataassapput. Siulittaasoqarfiup immikkut ittumik nittartagaa www.norden2015.dk -mi nassaassaavoq. Siulittaasoqarfiup suliassaasa saniatigut nittartagaani aamma suliassanut assigiinngitsunut mininisterinut siunnersuisoqatigiit ataasiakkaat suliassaannut tunngasut pillugit innersuutitaqarpoq.

Siulittaasoqarfiup suliassai uani takukkit.

Programmimi nunani avannarlerni suleqatigiinnermi oqaluuserisassanut ilaatinneqartut apeqqutit pingaarnersiorneqarnikuupput. Qulequtaritinneqartut pingaarnerit tassapput Ineriartorneq, Atugarissaarneq, Naleqartitat, aamma Issittoq.

2013-imi Nunani Avannarlerni Ministerinut Siunnersuisoqatigiit siulittaasoqarfimmut immikkut suliniutit atuutsilerpaat, taakku ukiuni pingasuni aningaasalersorneqarnissaat qulakkeerneqarsimavoq danskillu programmianni siulittaasoqarfimmi suliniutit taamaattut 12-pput. Suliniutilli ilaat tassaavoq immap naqqani uumasoqangaassutsimik misissuineq, taannalu Pinngortitaleriffik siuttoralugu ingerlanneqassalluni.

Nunani avannarlerni suleqatigiinneq ukiup ingerlanerani arlalinnik ataatsimiinnikkut, isumasioqatigiinnikkut atatsimeersuarnertigut suliniutinillu assigiinngitsunik ingerlatsinikkut pisarpoq. Ullorsiutini suut imaritinneqarnersut takukkit. Kalaallit Nunaani ministerit suleqatigiit martsimi Ilulissani naapissapput. Tamanna ukiup ingerlanerani nunani avannarlerni komiteeni allanilu nunatsinni arlaleriarluni ataatsimiinnernik malitseqartinneqassapput. Ministerit siunnersuisoqatigiivini 11-ni Kalaallit Nunaat sinniissuutitaqassaaq.

Nunat avannarliit pillugit 11. februar 2015 isumasioqatigiissitsisoqarmat Naalakkersuisoqarfinni assigiinngitsuni nunatta nunani avannarlerni suleqataaneranut tunngasut suliat saqqummiunneqarput. Saqqummiussat ilaat qaallunaatuinnaq saqqummiunneqarput ilaalli kalaallisuujullutik. Saqqummiunneqartut ataani aaneqarsinnaapput.

Danmarks Formandskabspræsentation 2015

Regional – Vestnordenfonden og Nordisk Atlantsamarbejde (Nora)

Finanser, skat, bæredygtig udvikling og fysisk planlægning

Grænsehindringsarbejdet

Kortlægning og monitering af havbundens biodiversitet og sårbarhed i Nordatlanten-Arktis

Uddannelses - og forskningsområdet Kulturområdet

Avatangiisit Nukissiuuteqarneq Inatsisitigut suleqatigiinneq

NAPA, Nunat avannarliit institutiat

APNN i Nordisk samarbejde

Projekt ’Nordisk Naturressourceforvaltning’ om fisker- og fangerviden

Nordisk Sundhedssamarbejde

Kalaallit Nunaat nunat avannarliit isumaginninnermut naligiissitaanermullu suleqatigiinneranni

Nordisk samarbejde om veterinær beredskab