Nunanut Allanut Naalakkersuisoqarfik

Nunanut Allanut Naalakkersuisoqarfiup Naalakkersuisunut nunanut allanut tunngasutigut ingerlatsinerini pingaarnerusutigut ataqatigiissaarineq, attaveqarneq aamma siunnersuineq isumagisarai. Tamatuma saniatigut naalakkersuisoqarfik naalakkersuisoqarfinnit assigiinngitsunit naalakkersuisoqarfiit assigiinngitsut suliassaqarfiinut naalakkersuisoqarfinnit tamanit immikkut piumaffigineqaraangami nunanut tamalaanut tunngasut pillugit siunnersuillunilu ikiuuttarpoq. Siunnersuineq tassaasinnaavoq nunat tamalaat akornanni oqallittarfinni qanoq suleriaaseqartoqarnersoq, nunat tamalaat akornanni inatsisit imaluunniit suliami aalajangersimasumi suliamut tunngasumik siunnersuineq. Nunanut Allanut Naalakkersuisoqarfiup suliassaqarfii pingaarnerit qulequttani ataani allassimasuni katersorneqarsinnaapput:
  • Issittumi suleqatigiinneq
  • EU
  • Nunat avannarliit suleqatigiinnerat
  • Inuit pisinnaatitaaffii aamma nunap inoqqaavi
  • Nunat marluk akornanni suleqatigiinneq
  • Nunanut allanut, illersornissamut isumannaatsuunissamullu politikki
  • Nunanik allanik niueqateqarnermi politikki
  • Nunamut imaanullu oqartussaassuseqarneq
  • Nunanit allanit aallartitanik attaveqarnermut aaqqissuussineq aamma naalagaaffiup allanut attaveqarnera (Protokol aamma public diplomacy)
Inuit attaveqaqatigiittarfiat
Nunanut Allanut Naalakkersuisoqarfik twitterprofileqarpoq @GreenlandMFA tassani Naalagaaffiup allanut attaveqarneranik (Public Diplomacy) suliaqarneq annertunerpaamik suliarineqartarluni. Tassuuna oqariartuutit assilluunniit suliarineqartunit Naalakkersuisup Nunanut allanut tunngasunut, Nunanut Allanut Naalakkersuisoqarfiup sulisuinut imaluunniit ilaannikkut Namminersorlutik Oqartussani allanut akisussaasup peqataaffigisaanik agguaanneqartarput. Taamatut Naalakkersuisoqarfik Facebookimi kinaassutsimut ilisarnaateqarpoq, Nunanut Allanut Naalakkersuisoqarfik, assingusumik siunertalik, taannalu @GreenlandMFA-mi aamma takuneqarsinnaavoq.

Taakku saniatigut ilisimatitsinerit allat soqutiginaatillit allanit saqqummiunneqartarput. Washington D C-mi sinniisoqarfiup immikkuullarissoq Twitter-konto @Greenland in USA&CDA USA-mi Canadamilu Kalaallit Nunaata Naalagaaffiup allanut attaveqarnermik sulineranut atorneqartussaq pilersinnikuuaa. Bruxellesimi Sinniisoqarfiup aamma pilersippaa Twitter-konto @GreenlandEU aamma Facebookimi konto @Bruxellesimi Kalaallit Nunaata Sinniisoqarfia atorlugu Kingullermik Reykjavikimi Kalaallit Nunaata Sinniisoqarfiata Twitter konto @GreenlandRepRVK aamma facebook konto @Reykjavikimi Kalaallit Nunaata Sinniisoqarfia pilersissimallugit.

Nunanut Allanut Immikkoortortaqarfiup suliassaqarfii