Ilinniartitaanermut Aqutsisoqarfik

Ilinniartitaanermut aqutsisoqarfik pillugu

Ilinniartitaanermut aqutsisoqarfik aqutsisoqarfiuvoq Ilinniartitaanermut Naalakkersuisoqarfiup ataani inissisimasoq. Aqutsisoqarfiup perorsaasunut, ilinniartitsisunut, kommuninut Naalakkersuisunullu, meeqqervinni, atuarfinni efterskolenilu meeqqat atuartitaanerannut tunngasunik siunnersuisarpoq, inatsisit atuuttut tunngavigalugit.

Kiffiartuussiviit

Siunnersuineq
Atuarfinnut siunnersortit meeqqanut suli atualeqqaanngitsunut

Ilinniartitaanermut Aqutsisoqarfiup inerisaanermut siunnersortai
  • Meeqqat suli atualeqqaanngitsut misissornissaannut nalilernissaannullu atortussanik inerisaasarput
  • Atualeqqaanngitsunik sullissisunut tamanut, perorsaanermik suliaqartunut pikkorissaallutillu siunnersuisarput
Tassunga atatillugu inerisaanermut siunnersortit – kommunit qanimut suleqatigalugit – meeqqat suli atualinngitsunut tunngatillugu inatsisini peqqussutit malinneqarnissaaat akisussaaffigaat.

Atuarfinnut siunnersortit
Ilinniartitaanermut Aqutsisoqarfip atuarfinnut siunnersortai
  • Ilinniartitsisut, atuarfiit kommuunillu siunersortarpaat.
  • Ilinniusiorfik peqatigalgu atuartitsissutissanik pilersitsisarput
  • Ilinniartitsunik atuarfinnillu, it-mik atuartitsissutini assigiinngitsuni atuilernissamut ikiuisarput
  • Misilitsitsissutissanik pilersitsisarput
  • Ilinniartitsunut, atuarfinnut kommuninullu pikkorissaasarput seminareqartitsisarlutillu.
Tamakku saniatigut atuarfinni siunnersortit Naalakkersuisunut siunnersuisuusarput, allakkianik allattarlutik, akissusiortarlutik, nalunaajaasiorlutik, il.il. meeqqat atuarfiannut tunngasunik.

Atuarfinnut siunnersortit, efterskolenut tunngasunik
Ilinniartitaanermut Aqutsisoqarfiup efterskolenut tunngatillugu atuarfinnut siunnersortaasa, Danmarkimi efterskolernissamut tapertinnissamut qinnuteqaatit suliarisarpaat. Siunnersortit
  • Angajoqqaanut angajoqqaatullu inissisimasunut, atuarfinni siunnersortinut, atuarfiit ingerlatsiviinut Majoriamullu qinnuteqaatissanik siunnersuisarput
  • Qinnuteqaateqartunut akuersissutinik/ itigartitsissutinik nassitsisarput
  • Atuartut efterskolernissaannut pilersaarutinut ikiuisarput, taassumalu ataani angalanissaannut tunngasunik
  • Kalaallit illutaat Aalborg-imi, Aarhus-imi, Odense-mi København-imiittorlu suleqatigisarpaat
  • Efterskolenut kalaallillu illuinut, atuartut Kalaallit Nunaanneersut pillugit paasissutissiisarput
Atuartitsinissamut atortussanik atukkiineq

Ilinniartitaanermut Aqutsisoqarfiup atuartitsinissamut atortussanik katersat, ilinniartitsisunngornianit, ilinniartitsisunit atuarfiullu pisortaannit atorniarfigisinnaasat aquppai. Atuakkanik naqiterisitsisarfiit Kalaallit Nunaaneersut, Danmarkimeersut nuna allaneersullu naqitaat, atuakkanik ataasiakkaanik imalluunniit atuaqatigiinnut atuakkat agguaanneqarsinnaasut isumassarsiorfigineqarsinnaasullu. Katersat atuagaapput, filmiupput nipilersugaallutillu, kiisalu aaliangersimasuusinnaallutik teknikkimullu atortuusinnaallutik.

Atuakkanik naqiterisitsisarfiit saqqummersitaat
Ilinniusiorfik, Ilinniartitaanermut Aqutsisoqarfiup atuartitsissutissanik naqiterisitsisarfia, Kalalllit Nunaanni meeqqaat atuarfiinut atuartitsissutissanik inerisaasarpoq naqiterisitsisarlunilu. Ilinniusiorfiup naqitai tamarmik akeqanngitsumik Kalaallit Nunaanni atuarfinnut tamanut agguaanneqartarput, ilinniartitsisunit atuarfinnillu piniaqqinneqarsinnaallutik.

Naliliineq
Ilinniartitaanermut Aqutsisoqarfik meeqqat atuarfiini atuartut piginnaasaannik ineriartornerinillu naliliisarpoq, ukiumoortunik alloriarfinni misilitsinnerit inaarutaasumillu misilitsinnerit ingerlattarlugit. Aqutsisoqarfiup paasissutissat misilitsinnerni angusanut attuumassutillit ingerlateqqittarpai, naliliinermik nalunaarusiornermigut, taakkulu kingorna agguaaneqartarput. Nalunaarusiornerit taakku Ilinniartitaanermut Aqutsisoqarfiup nittartagaani takuneqarsinnaapput, saniatigullu atuartut alloriarfinni misilitsinnermi inaarutaasumillu misilitsinnermi angusaat Grønlands Statistik -imi takuneqarsinnaallutik.

Annerusumik paasisaqarusukkuit uku iserfigisinnaavatit website aamma facebookside