Tapiissuteqartarnerit

Namminersorlutik Oqartussat Kalaallit Nunaanni kultureqarneq tapiissuteqartarnertigut assigiinngitsutigut tapersersugaraat. Paasissutissat annertunerusut innutaasut isertarfianni takusinnaavatit www.sullissivik.gl.

Namminersorlutik Oqartussat inuussutissarsiutigalugu eqqumiitsuliornermut kulturilerinermullu tapiissutigisartagaat pingasut tassaapput:

  • Namminersorlutik Oqartussat kultureqarnermut aningaasaliissutaat, inuussutissarsiutigalugu, pilersitsiortorlutik ingerlatsillutillu eqqumiitsuliortunut Kalaallit Nunaanni aalajangersimasumik najugalinnut pingaartumik tunniunneqartartut, taamaalillutik suliassat suliniutillu aalajangersimasut naammassisarniassammatigit. Aningaasat suliniutinut allanut eqqumiitsuliornermi qaffasissumik pitsaassusilinnut tunniunneqarsinnaapputtaaq
  • Kultureqarnermut tunngatillugu sulinermut aningaasat tunniunneqartartut, inuussutissarsiutigalugu, ingerlatsillutik pilersitsiortorlutillu eqqumiitsuliortunut Kalaallit Nunaanni aalajangersimasumik najugalinnut agguaanneqartartut. Aningaasat tunniunneqartartut ukiukkaartumik ataasiarlugit agguaanneqartarsinnaapput 22.000 koruuninngorlugit qaammatikkaartumik aningaasanik tunissutikkaartunngorlugit, taamaalilluni tigusisoq qaammammut aalajangersimasunik isertitaqarnissaanut qulakkeeriffigineqassammat
  • Filmiliornermut tapersiisarnermik aaqqissuussinerit, eqqumiitsuliornermut tunngatillugu oqaatigineqartut immikkut pingaartillugit piviusuusaartitanut piviusulersaarutinullu kalaallit filmiliaannut tapiissutitut pingaartumik tunniunneqartarput

Tapiissuteqartarnermik aaqqissuussinerit pingasut taakku saniatigut suli allanik marlunnik aaqqissuussaqarpoq:

  • Kalaallit atuakkiaannut tapiissutit, atuakkiorfinnit taamaallaat qinnuteqaatigineqarsinnaasut.
  • Kalaallit nipilersugaannut NCB-mik utertillugit akiliuteqartarnermik aaqqissuussineq, nuutinik saqqummersitsisarfinnit taamaallaat qinnuteqaatigineqarsinnaasoq.

Tipsernermit lottornermillu aningaasaliissutit

Tipseraanni, Lottoraanni imaluunniit Dansk Spil A/S-imi allarpassuarnik eqquiniaraanni sinneqartoorutit ikiuiniarluni siunertanut assigiinngitsunut tunniunneqartarput. Tipsernermit lottornermillu aningaasaliissutit agguaanneqartarnerannut malittarisassatigut tunngaviuvoq Aningaasanoorutit ilaannit iluanaarutinit agguaassisarneq pillugu Inatsisartut inatsisaat nr. 10, 22. november 2011-meersoq.

Pulje C-mit tapiissuteqariaatsinit marlunnit qinnuteqartoqarsinnaavoq:

  • Suliniutinut tapiissutit tamanit Kalaallit Nunaanni aalajangersimasumik najugalinnit qinnutigineqarsinnaapput. Suliniutinut tapiissutinut ilaapput suliniutinut aalajangersimasunut piffissaa killilikkanut qinnuteqaateqarnissamut piffissaliussap kingornatigut aallartinneqartunut tapiissutit.
  • Ingerlatsinermut tapiissutit peqatigiiffinnit kattuffinnillu tamatigoortumik siunertalinnit Kalaallit Nunaanni aalajangersimasumik najugalinnit qinnuteqaatigineqarsinnaapput. Ingerlatsinermut tapiissutinut ilaapput ingerlatsinermut aningaasartuutit ilaannut assersuutigalugu sulisunut, ininut, allaffinnut paasissutissiinermut atortunut siulersuisut sulinarannut (taamaattoq siulersuisut ilaasortaasa aningaasarsiarinngisaannut) tapiissutit.

Namminersorlutik Oqartussat Kultureqarnermut Aningaasaliissutaannik, Kultureqarnermut Tunngatillugu Sulinermut Aningaasanik Tunniunneqartartunik, Tipsernermit Lottornermillu aningaasaliissutinik aamma Filmiliornermut Tapersiisarnermik Aaqqissuussinermit qanoq qinnuteqarsinnaanerlutit innuttaasut isertarfianni annertunerusumik atuarsinnaavutit uani www.sullissivik.gl. Innuttaasut isertarfianni tapersiisarnermik aaqqissuussinernut taaneqartunut tunaartassat qinnuteqaateqarnermullu immersuiffissat takusinnaavatittaaq.

 

Uani takuneqarsinaapput agguaassinerit kingulliit:

Namminersorlutik Oqartussat kultureqarnermut aningaasaliisutaat Februar 2014-imi

Eqqumiitsuliornermut kulturimullu tapiissutit allat December 2016

Eqqumiitsuliornermut kulturimullu aningaasaliissutinut qinnuteqartuni Februari 2017-imi aningaasaliiffigineqartut

Namminersorlutik Oqartussat kultureqarnermut Februari 2018-mi aningaasaliissutaat

Namminersorlutik Oqartussat kultureqarnermut Maji 2018-mi aningaasaliissutaat

Namminersorlutik Oqartussat Kulturimut aningaasaliissutaat Septembarimi 2018

Namminersorlutik Oqartussat Kulturimut aningaasaliissutaat Novembarimi 2018

Namminersorlutik Oqartussat Film-iliornermik ingerlatsinermut tapiisutaat

Namminersorlutik Oqartussat kalaallisut akuakkianut tapiisutaat  

Tips aamma lotto

Pulje  A   Aqunneqarput GIF imiit  (Takuuk  www. gif.gl )

Pulje  B  (Meeqqanut inuusuttullu immikkortitat )  

Pulje  C  (Februarip  qaammataani 2014-mi agguaanneqartut)

Pujle C   (Aprilip qaammataani 2014-mi agguaanneqartut)

Pulje C   (Septembarip qaammataani 2016-mi agguaanneqartut)

Pulje  A   Aqunneqarput GIF imiit  (Takuuk  www. gif.gl )

Pulje  B   (Februarip qaammataani 2017-mi agguaanneqartut)

Pulje  B   (Septembarip qaammataani 2017-mi agguaanneqartut)

Pulje  C   (Februarip qaammataani 2017-mi agguaanneqartut) 

Pulje  C   (Aprilip qaammataani 2017-mi agguaanneqartut)

Pulje  C   (Septembarip qaammataani 2017-mi agguaanneqartut) 

Pulje  C   (Novembarip qaammataani 2017-mi agguaanneqartut) 

Pulje  B   (Februarip qaammataani 2018-mi agguaanneqartut)

Pujle  C   (Februarip qaammataani 2018-mi agguaanneqartut)

Pujle  C   (Aprilip qaammataani 2018-mi agguaanneqartut) 

Pujle C (Septembarip qaammataani 2018-mi agguaanneqartut)

Pujle C (Novembarip qaammataani 2018-mi agguaanneqartut)

Pujle C (Aprilip qaammataani 2019-mi agguaanneqartut)