Kultureqarneq

Naalakkersuisoqarfiup kultureqarnermut tunngassuteqartuni suliassat inatsiseqartitsinermullu tunngavissat suliarisarpai.

Naalakkersuisut tapiissuteqarfiginerusarpaat nuna tamakkerlugu eqqumiitsuliornermik aamma kultureqarnermik ilisimasallit sulinerat. Kommunit najukkani kulturikkut suliassanut pingaarnertut akisussaapput, taamaaliornissamullu anguniagassanik tunngavissanillu aalajangersaasarlutik, innuttaasut tamakkiisumik kulturikkut neqerooruteqarfigineqarnissaat qulakkeerniarlugu.

Naalakkersuisut kissaatigisaraat kulturikkut takutitseriaatsit assigiinngitsut ataavartumik suliarineqartarnissaannut siammarneqartarnissaannullu suleqataanissartik. Anguniagaavoq eqqumiitsuliornerup kultureqarnerullu tamatigoortut, assigiinngiiaartut ingerlalluartullu kalaallit oqaluttuarisaaneranni qajannaatsumik sorlanissimasut ineriartortitseqataaffiginissaat. Taamaaliortoqassalluni nunatsinni nunanilu tamalaani.