Inuit Pisinnaatitaaffiinut Kalaallit Nunaata Siunnersuisoqatigiivi

Inuit Pisinnaatitaaffiinut Kalaallit Nunaata Siunnersuisoqatigiivi 4. marsi 2013-imi pilersinneqarput kingornatigullu 1. januaari 2019-imiit nutaamik atuutilersumik inatsiseqalernikuullutik.

Siunnersuisoqatigiit Meeqqat Illersuisuanit, Inuit Innarluutillit Illersuisuanit aammalu Naligiissitaanermut Siunnersuisoqatigiit siulittaasuanit ilaasortaqarput. Tamatuma saniatigut kattuffiit, peqatigiiffiit, suliffeqarfiit il.il. inassuteqareernerisa kingorna Inatsisartut siunnersuisoqatigiit ilaasortassaannik qulinik toqqaasarput.

Siunnersuisoqatigiit naalakkersuinikkut attuumassuteqanngillat namminerisaminnillu allattoqarfimmik ingerlatsisuullutik.