Avannarlerni Killerni naligiissitaaneq pillugu nittartakkakkut isaaffik nutaaq

Kalaallit Nunaanni Namminersorlutik Oqartussat Nordisk Ministerrådillu internetikkut nittartakkakkut isaaffik nutaaq Nunani Avannarlerni Killerni angutit arnallu naligiissitaanerannut tunngasumik samminnittoq ammarpaat

Internetikkut nittartakkakkut isaaffiup siunertaraa Nunani Avannarlerni Killerni naligiissitaanermut tunngasutigut ilisimasanik avitseqateqarnissamik qaninnerusumillu suleqatigiinnissamik siuarsaataasinnaasunik oqallinnerup attaveqatigiinnerullu siuarsarnissaa.

Internetikkut nittartakkakkut isaaffik Nunani Avannarlerni Killerni kattuffinnut inunnullu naligiissitaanermik ilisimasat naligiissitaanerlu pillugu oqallinnerup siuarsarneqarnissaannik suliaqartunut saaffiginnittuuvoq. Taamaattumik atuisut nammineerlutik allattarnermikkut, oqallittarnermikkut inuillu internetikkut attaveqatigisartagaat atorlugit internetikkut nittartakkakkut isaaffik immersortussaavaat.

Internetikkut nittartakkakkut isaaffik siullermik ukiuni marlunni ingerlagallassaaq, tamatuma kingorna ingerlaannassanersoq nalilersorneqassaaq.

Internetikkut nittartakkakkut isaaffik uani takuneqarsinnaavoq: www.westnordic-equality.org

Nunat Avannarliit Killiit tassaapput nunat Nordisk Ministerrådimi peqataasut, Islandip, Savalimmiut Kalaallit Nunaatalu ataatsimut taaguutaat. Nunani Avannarlerni Killerni nunat imminnut suleqatigiilluarnerunissaat Nunallu Avannarliit Killiit siunissami Nunani Avannarlerni suleqatigiinnermi nukittorsarneqarnissaat siunertaralugit Nunani Avannarlerni Killerni Siunnersuisoqatigiit 1985-imi pilersinneqarput.

Screendump fra Vestnordisk webportal