Politikkikkut suliaminnut tunngasunik naligiissitaaneq pillugu isumasioqatigiinneq

2. september 2010 Kalaallit Nunaat qaaqqusisoralugu Ilulissani Nunat Avannarliit Killiit ukkutaralugit politikkikkut suliaminnut tunngasunik naligiissitaaneq pillugu isumasioqatigiittoqarpoq.

Kalaallit Nunaat aaqqissuisutut Island aamma Savalimmiut suleqatigalugit aaqqinniarsimavaat isumasioqatigiinnerup imassaata nunat avannarliit killiit isiginiartariaqaraat – nunat avannarliit killiit immikkuullarissutaasa soqutiginarnerussutaat. Isumasioqatigiinnermi uppernarsineqarpoq suliassat assiginngitsut akornanni imminnut attuumassutilinnik Nunani Avannarlerni Killerni naligiissitaaneq pillugu suleqatigiissutissaqartoq. Taamatuttaaq aalajangiunneqarpoq suliniaqatigiit naalakkersuinermut attuumassuteqanngitsut (NGOer) qitiusumik suleqataalluinnartariaqartut, naligiissitaaneq iluatsittumik sunniuteqartumillu siuarsarniarneqassappat.

Isumasioqatigiit ilaatigut ukkutaraat qulequttat arnat aammalu Nunani Avannarlerni Killerni atugarissaarneq, arnanik annersaasarneq, aapparinneq aammalu Nunani Avannarlerni Killerni suiaassutsikut pissutsit, Nunani Avannarlerni Killerni meeqqat inuusuttullu, suliffeqarnermut aamma ilinniartitaanermut tunngasut kiisalu Nunani Avannarlerni Killerni angutit.

Fagpolitisk Ligestillingsseminar


Isumasioqatigiinnermi peqataapput sunniuteqarniartartuusut tamanit tamaneersut, suliamik ilisimasallit aamma ilisimatusartut Nunanit Avannarlernit Kilerneersut kiisalu politikikkerit atorfillillu il.il.

Kalaallit Nunaanni Naligiissitaanermut Siunnersuisoqatigiit aamma 8. Marts gruppen Nuummeersut 1. september aaqqissuussipput sunniuteqarniartartunut, sulianik ilisimasallinnut aamma Nunani Avannarlerni Killerni ilisimatusartunut suliniaqatigiit naalakkersuinermut attuumassuteqanngitsut ulluannik, ukkutarineqarluni arnanik persuttaasarneq. Norisk Ministerråd-ip atorfilittaasa naligiissitaaneq pillugu ataasimiititaliaat Hotel Icefjordimi ataatsimiipput.

Suliniaqatigiit naalakkersuinermut attuumassuteqanngitsut ulluani isumasioqatigiinnermilu naammassisaasut vestnordisk webportal (nittartagaq) aqqutigalugu Nunani Avannarlerni Killerni naligiissitaanermut tunngasut ingerlateqqinneqarumaarput. Nittartagaq nunani avannarlerni killerni Nunani Avannarlerni Killerni ataatsimoorussamik suliniaqatigiit naalakkersuinikkut attuumassuteqanngitsut suliniutaattut pilersinneqassasoq Kalaallit Nunaanni Naligissiitaanermut Siunnersuisoqatigiit ingerlatsisoralugit.
Isumasioqatigiinnerup kingorna Ilisimasat pillugit Nordisk Institut suiaassuseq pillugu quppersakkamik Nunani Avannarlerni Killerni naligiissitaaneraneq pillugu allakkiamik saqqummersitsivoq. 

Isumasioqatigiinneq ammarlugu oqalugiaat atuaruk