Naligiissitaaneq

Naligiissitaaneq arnat taasisinnaatitaanermut, killeqanngitsumik naartuersissinnaatitaanermut pisinnaatitaaffik allanullu sorsuutiginninneranni ileqquusimavoq. Ullumikkut naligiissitaaneq annertunerusutigut ataatsimoorluni suliniutaasarpoq, tassani kikkulluunniit assigiimmik periarfissaasa inuunerullu kissaatigisamik killilersugaanani inuunerinissaanik qulakkeerinninnissaq pineqartarluni.

Naligiissitaaneq allanuttaaq tunngassuteqarpoq. Taamaammat pingaaruteqarluni suliassaavoq inatsisit naalakkersuinikkullu ingerlatsinerup inuiaqatigiinnut siammarlugit ingerlateqqinneqartarnissaat. Naligiissitaanngiffiusuni suliassaqarfiit suiaassutsimullu tunngatillugu suliassat attanneqarsinnaasumik ineriartortitsinermut siuarsaanermut iluaqutaasinnaasut sulissuteqarnermit pingaartinneqartassapput.

Naligiissitaanermut tunngasuni Nunani Avannarlerni naligiissitaanerup suleqatigiissutigineqarnera malinneqarpoq Naalagaaffinnullu Peqatigiinnut nalunaaruteqartoqartarluni:

  • Nunani Avannarlerni Ministerit Siunnersuisoqatigiivisa naligiissitaanermut atorfilittanut komitéannut ministerit ataatsimiinnissaannik nunanilu avannarlerni tamalaani suliassanik piareersaasartumut ilaasortaaneq
  • Arnanik allaanerusumik pinnittarnerup unitsinneqarnissaa pillugu Naalagaaffiit Peqatigiit komitéannut nalunaaruteqartarneq (CEDAW-konventionen)

Kalaallit Nunaanni Naligiissitaalernissamut Ataatsimiititaliaq 1985-imi pilersinneqarpoq. 1998-imi taanna Kalaallit Nunaanni Naligiissitaalernissamut Siunnersuisoqatigiinnik taarserneqarpoq.

Naligiissitaanermut Naalakkersuisoq siulleq ulloq 1. marts 2011-mi toqqarneqarpoq.

20. Maaji Kalaallit Nunaanni naligiissitaanermut ullorititaavoq.

Naligiissitaaneq pillugu ilusiliussat imarisaalu ingerlaannassapput.

Taamaattoq "Naqitanngorlugit saqqummersitat"-nut tunngatillugu apeqquteqarpoq, taakkumi ilaat ataasiinnaq toqqaannartumik Kalaallit Nunaanni Namminersorlutik Oqartussanit naqitanngorlugu saqqummersitaammat. Allat ilaatigut tassaapput nunani avannarlerni nalunaarusiat, taakku Kalaallit Nunaat allallu pillugit immikkoortunik ilaqarlutik. Naqitanngorlugit saqqummersittakkat allattorsimaffiata pigiinnarnissaa kissaatigaarput.