Avanersuaq

Atortussatut saqqummersinneqarnikut siornatigut Thulesundhed.dk –imiittut maani nittartakkamiilerput.

Avanersuaq

Mingutsitsineq 1968-imi januaarimi pivoq, taamani timmisartorsuaq B52 ikuallalerluni Pituffimmi sakkutooqarfiup sioraani sinerissap sikuani ajutoormat. Taamaalineratigut qaartoornertut pissusilimmik ikuallarujussuarnikkut timmisartup qaartartulisaataasa plutonium tunngavigalugu suliat sisamaasut akui tamaanga siammaanneqarput. Tamatuma kinguninngua aseqqukunik katersuisoqarlunilu saliisoqaraluartoq tamaani qinngornerit ulorianarsinnaasut ileqqutoqqamittut annertussuseqalivillutik appariaqqissinnaasimanngillat.

Nittartakkiornermi siunertaavoq nunatsinni Danmarkimilu kikkulluunniit Danmarkimi nunatsinnilu peqqissutsikkut oqartussaasut Ilisimatusarfiup Risøp misissuinerata: ”Thule 2003 – radiop qinngornerinik ulorianartunik mingutsitsineq” kinguneqartitsissutitut sunik suliniuteqarniarnerannik paasissutissinneqarnissaat.

Januaarip 9-ani 2012 Peqqissutsimut Naalakkersuisoq Agathe Fontain Qallunaallu Peqqissutsimut naalakkersuisuat Astrid Krag isumaqatigiipput inernerit Risø-mi SIS-illu misissugaat aallaavigalugit, takuuk nalunaarutit quppernermi, pisariaaruttoq Thule pillugu suleqatigiissitami ataatsimiittarnerit ingerlateqqissallugit.

2012-mi nutaamik isumaqatigiissusiortoqarpoq “qallunaat kalaallillu peqqinnissaq pillugu suleqatigiinnissaq” –mik Kalaallit Nunaannit Peqqissutsimut Naalakkersuisoqarfimmit aammalu Danmarkimit Peqqissutsimut Pitsaaliuinermullu Naalakkersuisoqarfimmit peqataaffigineqartumik. Ukiumut marloriarluni tassani ataatsimiittoqartassaaq. Arlaatigullu Thule-mut attuumassutillit tassani eqqartuinerni ilaanngunneqartarumaarput.

Assinik toqqorsivik

Tusagassiortunut

Saqqummersitat

Imaqarniliat