UNICEF-mik suleqateqarneq

Kalaallit Nunaanni Namminersorlutik Oqartussat aamma UNICEF 18. August 2010 suleqatigiinnissamik isumaqatigiissusiorput, tassani siunertaalluni Kalaallit Nunaanni meeqqat alliartornerat ineriartornerallu ajunnginnerpaamik periarfissinniarlugu aqqutissiuussinissaq.

Suleqatigiinneq ukiuni tallimani ingerlassaaq. Kalallit Nunaani Namminersorlutik Oqartussat pisussaatipput ukiumut 850.000,- kr. akiliuteqartarnissamut, sulianullu tunngatillugu UNICEF Danmark ukiumut 2 mill. kr.-ninik aningaasartuuteqartassasoq. 2 mill. kr. taakku ilaatigut aningaasaateqarfiit namminesortunit aqqutigalugit aningaasalersorneqassapput, tassanilu Prins Joachim-ip aamma Prinsesse Alexandra-p aningaasaateqarfianniit 100.000,- kr. tunniunneqareersimapput.

Siusinnerusukkut suleqatigiissuteqarfigisimasunut ataasiakkaanut naleqqiullugu UNICEF aamma Namminersorlutik Oqartussanit nutaamik eqqarsarnermi naleqassutsit isummallu meeqqanut meeqqallu pisussaatitaaffiinut tunngasut allangortinnissaat suleqatigiissutiginiarpaat ilinniartitsinermi atugassaasut, aaqqissuussisarnerit, tusagassiutitigut eqqartorneqarnerit aammalu immaqa inatsisit allanngortinnerisigut pitsaasumik sunniuteqarfiginiarlugit.

Suleqatigiinnissamut isumaqatigiissummut atatillugu suliniummi sulisussanik Danmark-imi aamma Kalaallit Nunaanni atorfinititsissoqarpoq suliassat pilersaarusiornerinik ataqatigiissaarinermillu suliaqartussanik.

Suleqatigiissutissatut isumaqatigiissutip ilaatigut makkua ataqatigiisussanngorlugit suliassaannut ilaapput:

1. Pilersaarutit pissutsinik suliarinninissamik aamma inuiaqatigiinni akisussaaffimmik suliaqarnerit pillugit

2. Suliniutit meeqqanut tunngatinneqartut assigiinngitsorpassuit sapinngisamik annertunerpaamik sunniuteqarnissaat pillugu Kalaallit Nunaanni alaatsinaannissamut aammalu sunniutit nalilersuiffigisarnissaannut periarfissanik annertusaanissaq.

3. Meeqqat pillugit nunatsinni inatsiseqarnerup misissuiffigineqarnissaa siunertaralugu pitsanngorsaavigineqarnissaanut innersuussuteqarnissaq aammalu nunatsinni meeqqanut tunngasunik suliaqarnermi nalinginnaasumik malinneqartartussanik siunnersuusiorneq.

4. Suleqatigiissutissat tamakkua ilagaat kalaallit inuiaqatigiit suliniarfigineqarnerannut tunniussaqaqataanissaq, pingaarnerutillugit nunatsinni suliniaqatigiiffiit naalakkersuinermut attuumassuteqanngitsut meeqqanut tunngassunik suliniuteqartut.

Isumaqatigiissut Naalakkersuisunit UNICEF Danmarkimillu akornanni pivoq , suliniutip NAKUUSAp ingerlannerata ukiunik tallimanik ilaneqarneranik sivitsuisumik. NAKUUSAp annertunerusumik anguniagaraa nunatsinni meeqqat atugarisaasa kiisalu pisinnaatitaaffiisa pitsanngorniarnissaat, tamannalu pissutsinut isiginninnermik allanngortitsinikkut anguniarneqartarpoq. Suliarlu tamanna ukiunik tallimanik tunineqarpoq 2020-ip naanerata tungaanut ingerlasussamik.

NAKUUSA pillugu isumaqatigiissut nutaaq