Qitiusumik Siunnersuisarfik

Qitiusumik Siunnersuisarfik kommunimi aqutsisunut sullissisunullu meeqqat inuusuttullu atugarliortut pillugit siunnersuinermik ilitsersuinermillu neqerooruteqartarpoq.

Qitiusumik Siunnersuisarfik ulloq 2. november 2015 ammarneqarpoq naalakkersuisoqarfiullu ataani immikkoortortaalluni.  Siunnersuisartoqarnermi siunertaavoq meeqqat inuusuttullu atugarliortut pillugit suliaqarfimmi kommunit siunnersorneqartarnissaat ilitsersorneqartarnissaallu. Siunnersuisarfik kommuninik oqaloqateqarfiusassaaq oqartussaaffeqarfimmilu tamarmiusumi sullissinermik qanoq pitsanngorsaasinnaaneq, kiisalu aaqqissuussaanikkut isumaginninnermillu suliaqarnermi periutsimik ineriartortitseqqissinnaaneq pillugit kommunini aqutsisunut sullissisunullu siunnersuiffiusassalluni.

  • Aqutsisunit ilisimatitsisarneq, aqutsineq aaqqissuussaanerlu
  • Suliatigut aqutsineq isumasioqatigiinnerlu
  • Siusissukkut suliniuteqarneq
  • Nalunaarutiginninnerit
  • Iliuusissatut pilersaarutit
  • Malitseqartitsineq
  • Meeqqanik sullissinikkut misissuinerit, taakkununnga ilanngullugit meeqqanik ilaqutariinnillu oqaloqatiginninnerit
  • Inatsisit, meeqqanik inuusuttunillu ikiorsiisarneq pillugu inatsit, suliassat suliarineqartarnerat pillugu inatsit il. il.

Kommunini inunnik isumaginnittoqarfiit ilinniartitsinissamut ineriartortitsinissamullu atortorissaarusersorlugit siunnersuisarfiup suliaqarnera ilaatigut pissaaq aqutsisut sulisullu isumasioqatigiinnissamik siunersioqatigiinnissamillu neqeroorfiginerisigut, sullissisut oqarasuaatikkut mailikkullu isumaginninnermi tunngasutigut siunnersornerisigut kiisalu ilisimasanik avitseqatigiittarnikkut. Siunnersuisarfik aamma angalasartoqarpoq, taakku sanilerisamik ilinniartitsinissamik aamma atuartitsinissamik ilinniartitsinissamillu aaqqissuussinernik il. il. neqerooruteqarsinnaapput.

Meeqqat illuat, Saaffik, Qitiusumik Siunnersuisarfimmi immikkut immikkoortortaavoq. Saaffiup meeqqat kinguaassiuutitigut innarlerneqarsimasut pillugit ataqatigiissumik suliaqarfiit akimorlugit misissuisarnermik katsorsaasarnermillu ineriartortitsilluni suliaqarnini ingerlatiinnassavaa.

Qitiusumik Siunnersuisarfiup pilersinneqarneranut atatillugu KANUKOKA kommunillu suleqatigiinnermi pingaarnertut atugassarititaasut pillugit suleqatigiinnissamik isumaqatigiissuteqarfigineqarput:

www.centralraadgivningsenhed.gl