Arbejdsseminari kommuunit suleqatigalugit 2015

Naalakkersuisut inunnik isumaginninnikkut suliniutaat pillugit isumasioqatigiinneq sulinertalik

Sulitilluni isumasioqatigiinneq

 

Ilaqutariinnermut, Naligiissitaanermut Isumaginninnermullu Naalakkersuisoqarfik matumuuna sulianut tunngatillugu isumasioqatigiisitsivoq.

 

Sulianut tunngatillugu isumasioqatigiissitsinissami pingaarnertut siunertarineqarpoq ilaqutariit, meeqqat inuusuttullu tungaasigut suliniutissat pillugit Naalakkersuisut anguniagaannik ilisimatitsinissaq.

 

Naalakkersuisut anguniagaraat isumaginninnikkut suliniutit nukittorsarneqarnissaat, taakkununnga ilanngullugit meeqqanut sulianik sullissisarneq, ilaqutariinnut sullissiviit aamma qimarnguiit akornanni suleqatigiinnerup ineriartortinneqarnissaa kiisalu meeqqanik kinguaassiuutitigut atornerlunneqarsimasunik katsorsaasarnerup nukittorsarneqarnissaa. 

Naalakkersuisut kissaatigaat iliuutsinik nukittorsaaneq pisassasoq kommunit qanimut oqaloqatigalugit suleqatigalugillu. Taamaammat sulitilluni isumasioqatigiinnermut peqetaasut ineriartortitsilluni sulinissamut pimoorussamik sunniuteqaqataassapput.

 

Sulianut tunngatillugu isumasioqatigiinnermut isumaginninnikkut pisortat/ilaqutariit pillugit pisortat, ilaqutariinnut sullissivinni/ilaqutariinnut illuni pisortat, kiisalu qimarnguinni pisortat peqataapput.

 

Ukua  pingaarnerusutigut sammineqassapput:

  1. Qitiusumik Siunnersuisarfimmik pilersitsineq
  2. Saaffiup ilusaanik allanngortitsineq aamma illoqarfinni meeqqaanik katsorsaasarnissaq.
  3. Ilaqutariinnut sullissiviit aamma qimarnguiit akornanni qaninnerusumik suleqatigiinneq

 

Sulitilluni isumasioqatigiinneq Nuummi Hotel Hans Egede-mi ulluni 27.-28.-29. april 2015 ingerlanneqarpoq.