Suliniuteqareernermi malinnaaneq pillugu 2010-mi 2011-milu isumasioqatigiinneq

Suliniuteqareernermi malinnaaneq pillugu Ilulissani isumasioqatigiinnermi inuusuttut inissinneqarsimasut inersimasunngornermut ikaarsaarnerat 2010-mi, Qaqortumilu 2011-mi Naalakkersuisoqarfimmit sammitinneqarpoq

Suliniuteqareernermi malinnaaneq pillugu Ilulissani isumasioqatigiinnermi inuusuttut inissinneqarsimasut inersimasunngornermut ikaarsaarnerat 2010-mi, Qaqortumilu 2011-mi Naalakkersuisoqarfimmit sammitinneqarpoqMeeqqat inissinneqarsimasut pitsaanerusunik periarfissaqalernissaat anguniarlugu suliniuteqareernermi malinnaaneq pillugu Naalakkersuisoqarfik 2010-mi 2011-milu marloriarluni isumasioqatigiissitsivoq. Isumasioqatigiinnerup siunertaraa suliniuteqareernermi malinnaanermi aaqqissuussinerit pillugit ilisimasanik avitseqatigiinnissaq – tassa imaappoq inuusuttut imminnut isumagisussanngoraangamik aaqqissuulluakkamik tapersersorneqarnissaat qanoq qulakkeerneqarsinnaava.

Misilittakkat takutippaat inuusuttorpassuit inissinneqarsimasut angajoqqaarsiaminnit imaluunniit ulloq unnuarlu paaqqinnittarfimmit nooreernermik kingorna ilinniarnerminnut, ilinniarnerminni sulinermik misiliinerminnut sulinerminnullu atatillugu tapersersorneqarnissaminnik suli pisariaqartitsisartut. Aammattaaq inuttut inooqataanikkullu attavissaqalernissaq, aningaasaqarnermik nammineq aqutsineq il.il. eqqarsaatigalugit inuusuttut amerlasuut tapersersorneqarnissaminnik siunnersorneqarnissaminnillu pisariaqartitsissarput.

Nunatsinni nunanilu avannarlerni ingerlatsisut ulluinnarni meeqqanik inuusuttunillu sullissisuusut arlalissuit isumasioqatigiinnermi peqataapput.
Assersuutigalugu Piareersarfinniit nunatsinnilu meeqqat angerlarsimaffiannit saqqummiussisoqarpoq, aammalu inuusuttoq suliniuteqareernermi malinnaanermit misilittakkani pillugit oqaluttuarluni. Tamatuma saniatigut ilisimasat misilittakkallu pillugit Norgemiit Danmarkimiillu saqqummiussisoqarpoq.

Ilulissaniit Qaqortumiillu ilanngussat ataani takukkit:

Ilulissat: Ammaanermi oqalugiaat uani atuaruk

Ilulissat: Qaaqqusissut

Qaqortoq: Qaaqqusissut