Nakuusertarneq aaqqiissutaanngilaq

FN-ip nunani tamani arnanut nakuuserfigineqartartunut ullorititaa eqqorlugu qanigisani nakuusertarneq pillugu ataatsimeersuarneq Isumaginninnermut Naalakkersuisoqarfiup Kalaallit Nunaanni qimarnguiit immikkut qitiutillugit aallarniisuuffigivaa.

Ataatsimeersuarneq ulluni marlunni ingerlanneqarpoq 25. novemberimiit 26. november ilanngullugu nunalu tamakkerlugu peqataasunik 70-ingajaannik katersuuffiulluni, namminneq piumassusertik, ilisimasaqarfitsik politikkikkullu suliffeqarnertik atorlugu sammineqartumi inissisimaneq ajunngitsumut saatikkusullugu sulisut.

Ataatsimeersuarnermi nakuusertarnerup pissusai kingunerisinnaasalu assigiinngitsut oqallissaarisunit arlalinnit qulaajarneqarput, oqallissaarisut arlallit aamma inuiaqatigiinni ajornartorsiutaasinnaasut amerlanertigut nakuusernermut tunngaviunerusartut pinaveersaartinniarlugit aqqutissanik nutaanik oqariartuuteqarlutik saqqummiipput.

Ataatsimeersuarnermik naliliinerup ersersippaa, peqataasut annikigisassaanngitsumik paasissutissanik isummersuinernillu nutaanik angerlaassassaminnik pissarsisimasut, siumut sammisumik sulinerminni atorsinnaasaminnik. Aammattaaq Isumaginninnermut Naalakkersuisoqarfiup siunertarisimavaa, sammineqartumi suliamut attaveqaatinik qajannaallisaanissaq.

Pilersaarut uani aajuk

Ataatsimeersuarnermi oqallissaarutit pingaarnerit takuniarlugit inissinneqarfiat tikkuummik tooruk (Seqersaatikkut sakkummiussat):

25. november 2009:

Kalaallit Nunaanni nakuusertarneq immikkoortoqarfimmi pisortamit Bodil Karlshøj Poulsen, PAARISA

Kalaallit Nunaanni qimarnguiit siulittaasuanit Regine Enoksenimit, Kalaallit Nunaanni Qimarnguiit Kattuffiat

Nuummi qimarnguik pillugu suleqatigiit assigiinngitsut suleqatigiinnerat pisortamit Mette Sonniksimit, Kommuneqarfik Sermersooq qimarnguimmilu aqutsisumit Grethe Siegstadimit

Qimarnguiit - arnat politikkikkut sunniiniartarneranniit akissarsiutigalugu suliffeqarfinnut pisortamit Vibe Klarup Voetmannimit, Dannerhuset

Sooq ingerlaannanngila? allaffeqarfimmi aqutsisumit Lene Johannessonimit, Nuna tamakkerlugu Arnanut qimarngueqarfiit Kattuffiat

26. november 2009: 

Nakuusertarneq meeqqat isaanniit isigalugu, tarnip pissusaanik ilisimasalik Naaja Nathanielsenimit, 8. Martsgruppen 

Ilaqutariinni nakuusertarneq - Meeqqat piginnaatitaaffii pillugit isumaqatigiissutip tunuliaqutaa atorfissaalu lektorimit Ingrid Lethimit, Københavns Universitet

Aappassiariit nakuusertarnerat Nina Maria Schüttimit, siusinnerusukkut Statens Institutimi Inuit peqqissusaat pillugu ilisimatusarnermi ikiorti, Syddansk Universitet 

Ilaqutariit atugarissaarnerat (ilaqutariit inissisimanerat) centerimi aqutsisumit Tryggvi Kaldanimit, Familiecenter Løvdal

Ataatsimeersuarneq tamaat oqallissaarutitai tamaasa ilanngullugit saqqummiunneqarnissaa suliarineqarumaarpoq:

Vold er ikke løsningen