Naalagaaffiit Peqatigiit Meeqqat pillugit isumaqatigiissutaa

Inuit pisinnaatitaaffii pillugit nunarsuaq tamakkerlugu nalunaarut 1948-imeersoq malillugu inuit pisinnaatitaaffiisa illersorneqarnissaannut Naalagaaffiit Peqatigiit arlalinnik isumaqatigiissuteqarput. Isumaqatigiissutit ilagaat Naalagaaffiit Peqatigiit Meeqqat pisinnaatitaaffii pillugit isumaqatigiissutaa 1990-imi atuutilersoq

Meeqqat pillugit isumaqatigiissut Naalagaaffiit Peqatigiit 1989-imi ataatsimeersuarneranni akuerineqarpoq. Isumaqatigiissummi aalajangersarneqarput Nunat isumaqatigiissummi ilaasut ataqqissagaat meeqqat inuttut immikkuullarissutut politikkikkut, aningaasaqarnikkut, inooqataanikkut kultureqarnikkullu pisinnaatitaaffeqartut. Nunat inatsisiliornerminni, aqutsinerminni il.il. meeqqat pisinnaatitaaffiinik eqqumaffiginninnissaminnut pisussaaffeqarput.

Kalaallit Nunaat Naalagaaffiit Peqatigiit Meeqqat pillugit isumaqatigiissutaannut 1993-imi ilannguppoq, tamatumalu kingorna meeqqat inuiaqatigiinni pisinnaatitaaffiinik piviusunngortitsinissaq Kalaallit Nunaata pisussaaffigilerlugu. Isumaqatigiissut nunat ilaasortaasut akornanni pituttuisuuvoq, taamaalilluni nunarsuaq meeqqanut atugarissaarfiusoq pilersinniarlugu.

Ilassutitut protokolit nammineq toqqagassat marluk isumaqatigiissummut ilaatinneqarput:

  • Meeqqat sakkulersorluni aaqqiaqiinngissutini peqataatinneqartarnerat pillugu Naalagaaffiit Peqatigiit meeqqat pillugit isumaqatigiissutaanut protokoli nammineq toqqarneqarsinnaasoq 12. februar 2002-meersoq
  • Meeqqat tunineqartarnerat, akilersittartutut kinguaassiuutitigut atugaasarnerat kinguaassiuutitigullu kanngunartumik atugaasarnerat pillugit Meeqqap pisinnaatitaaffii pillugit Naalagaaffiit Peqatigiit isumaqatigiissutaannut protokoli nammineq toqqarneqarsinnaasoq 25. maj 2000-imeersoq
  • Meeqqap Piginnaatitaaffii pillugit FN-ip isumaqatigiissutaanut 20. november 1989-imeersumut tunngatillugu Danmarkip naalagaaffiata ilaani Savalimmiut aamma Kalaallit Nunaat pillugit allanngortitseratarsinnaanermik aalajangersakkamiit Danmarkip tunuarnera pillugu nalunaarut

Naalagaaffiit Peqatigiit Meeqqat pillugit isumaqatigiissutaa aajuk:

Kalaallisut