Aatsitassanik avammut annissuineq

Aatsitassanik avammut annissuineq – Qinnuteqarneq pillugu

Ujaqqanik imaluunniit aatsitassanik Kalaallit Nunaanniit annissinissaq kissaatigigukku, tamatumunnga maleruagassat eqqumaffigissavatit.

Avammut annissinissamut akuersissut pisariaqartinngilat:
  • ujarak imaluunniit aatsitassaq Kalaallit Nunaanni pisiarisimagukku, assersuutigalugu pisiniarfimmi, ujaqqanik pinnersaasiassanik eqqumiitsuliortartumit imaluunniit annikitsumik aatsitassarsiornissamut pisinnaatitsissummik pigisaqartumit, aammalu pisinermut uppernarsaat atorlugu pisineq uppernarsarsinnaagukku.
Ujarak imaluunniit aatsitassaq pisiniarfimmi, ujaqqanik pinnersaasiassanik eqqumiitsuliortartumit imaluunniit annikitsumik aatsitassarsiornissamut pisinnaatitsissummik pigisaqartumit pisiarisimanngikkukku tamatumunngalu pisinermut uppernarsaateqanngikkuit, avammut annissinissamut akuersissut atortussaavat. Avammut annissinissamut akuersissut Kalaallit Nunaata aatsitassaannik annissilernerit tamaasa qinnutigineqassaaq. Aatsitassat akisuut imaluunniit akisunnginnerusut pineqarnersut apeqqutaanani tamanna atuuppoq.

Qinnuteqarneq

Nassiussinernut avammut annissassatut kissaatigisannut tamaginnut immikkut avammut annissinissamut akuersissummik qinnuteqassaatit. Ujarak imaluunniit aatsitassaq avammut annissinissamut akuersissummik pissarsivigerusutat suunersoq, qinnuteqaammi erseqqinnerusumik nassuiassavat.

Nittartakkatsinni paasissutissat amerlanerusut aamma qinnuteqarnermi immersugassat takusinnaavatit.