Annikitsumik aatsitassarsiorneq

Inatsisartut kissaatigaat sumiiffinni ujaqqanik pinnersaasiassanik aatsitassanillu annikitsumik atuinermik inuussutissarsiorsinnaanerup tapersersorneqarnissaa. Taamaattumik annikitsumik aatsitassarsiorneq pillugu erseqqissunik malittarisassiortoqarpoq.

Annikitsumik aatsitassarsiornissamut pisinnaatitsissutit Kalaallit Nunaanni aalajangersimasumik najugaqartunut atuuppoq. Sumiiffinni aalajangersimasuni annikitsumik aatsitassarsiornermut pisinnaatitsissutit assigiinngitsunik akuersissutitaqarput; katersisinnaaneq, suliareqqitassanngorlugu piiaaneq aamma ujaqqanik pinnersaatinik ujaqqanillu allanik tuniniaaneq.

Pisinnaatitsissutit
Annikitsumik aatsitassarsiornissamut pisinnaatitsissutit assigiinngitsut marluupput:
  • Kisermaassilluni pisinnaatitsissut
  • Allanik peqateqarluni pisinnaatitsissut kisermaassisinnaatitaanani

Piumasaqaatit
Annikitsumik aatsitassarsiornissamut pisinnaatitsissutit inunnut ataasiakkaanut kisiat tunniunneqassapput, suliffeqarfinnuunngitsoq.

Annikitsumik aatsitassarsiornermut pisinnaatitsissummik piniaruit, ikinnerpaamik ukiuni tallimani Kalaallit Nunaanni najugaqarsimassaatit akileraartussaatitaallutillu. Malittarisassamit tassannga immikkut pineqarnissat qinnutigisinnaavat, Kalaallit Nunaat qimakkallarlugu soorlu ilinniarnermut tunngatillugu aallaqqasimaguit.

Det Centrale Virksomhedsregisterimut (CVR) aamma nalunaarsorsimassaatit.
Una toorlugu, inuussutissarsiutinut kodet assigiinngitsut ilitsersuutit takusinnaavatit.

Annikitsumik aatsitassarsiornissamut pisinnaatitsissutit inunnut ataasiakkaanut kisiat tunniunneqassapput, suliffeqarfinnuunngitsoq.Annikitsumik aatsitassarsiornermut pisinnaatitsissummik piniaruit, ikinnerpaamik ukiuni tallimani Kalaallit Nunaanni najugaqarsimassaatit akileraartussaatitaallutillu.

Malittarisassamit tassannga immikkut pineqarnissat qinnutigisinnaavat, Kalaallit Nunaat qimakkallarlugu soorlu ilinniarnermut tunngatillugu aallaqqasimaguit. Det Centrale Virksomhedsregisterimut (CVR) aamma nalunaarsorsimassaatit.

Inuk ataaseq annikitsumik aatsitassarsiornissamut pisinnaatitsissutit tallimat sinnerlugit ukiup ataatsip iluani pigisaqarsinnaanngilaq. Tassani pineqarput allanik peqateqarluni pisinnaatitsissutit kisermaassisinnaatitaanani aamma kisermaassilluni pisinnaatitsissutit. Tamanna assersuutigalugu isumaqarpoq allanik peqateqarluni pisinnaatitsissutinik kisermaassisinnaatitaanani marlunnik aamma kisermaassilluni pisinnaatitsissutinik pingasunik pigisaqartoqarsinnaasoq.

Qinnuteqarneq
Allanik peqateqarluni kisermaassisinnaatitaanani aamma imaluunniit kisermaassilluni pisinnaatitsissutinik qinnuteqarniaruit imaaliussaatit:

  • qinnuteqarnermi nalunaarsorneqarnermillu akiliut akilerneqassaaq. Akiliutissap angissusaa aamma konto akiliiffissaq qinnuteqarfimmi allassimapput
  • qinnuteqaat immersorneqassaaq

Annikitsumik aatsitassarsiorneq kisermaassilluni
Annikitsumik aatsitassarsiorneq allanik peqateqarluni kisermaassisinnaatitaanani

Ajornanngippat qinnuteqarfissamut immersugassaq elektronisk-iusoq immersoruk.

Qinnuteqaammut uppernarsaatit makku ilanngunneqassapput
  • ukiuni tallimani qaangiuttuni Kalaallit Nunaanni aalajangersimasumik najugaqarsimanermut uppernarsaat
  • ukiuni tallimani qaangiuttuni Kalaallit Nunaanni akileraartussaatitaanermut uppernarsaat
  • qinnuteqarnermi nalunaarsorneqarnermilu akiliutissamik akiliisimanermut uppernarsaat

Uppernarsaatit kommunip allaffiini aamma Akileraartarnermut Aqutsisoqarfimmi pissarsiarineqassapput.

Ukiumoortumik nalunaarusiaq

Annikitsumik aatsitassarsiornissamik akuersissummik peqaruit ukiummoortumik nalunaarusiamik nassiussisassaatit. Ukiumoortumik nalunaarusiami allaaserineqassapput ukiup pineqartup ingerlanerani suliniutit suut ingerlanneqarsimanersut, ujarassiornikkut nutaamik ilisimasaqalersimaguit misilittakkatit ilanngullugit allaaserissavatit. Aatsitassat piiarneqartut annertussusaat pitsaassusaallu kiisalu taakkua suliarineqarnerannut tunineqarnerannut avammullu tunineqarnerannullu paasissutissat ilanngunneqassapput.

Ukiummoortumik nalunaarusiaq uuma ataani nassaarisinnaavat:

Ukiummoortumik nalunaarusiaq

Qinnuteqaat ilanngussallu sapinngisamik e-mail-inngorlugu Aatsitassanut Aqutsisoqarfimmut nassiunneqarnissaa kissaatigineqarpoq

Malugiuk
Qinnuteqaasiorninni imaluunniit annikitsumik aatsitassarsiornissamut akuersissummut tunngasumik apeqqutissaqaruit, Aatsitassanut Aqutsisoqarfimmut saaffiginninnissannut tikilluaqqusaavutit.