Suleqatigiinnissamut isumaqatigiissutit

Råstof

Oqartussatut suliarinninnermut tunngatillugu immikkoortortanik assigiinngitsunik suleqateqarnitta saniatigut aamma nunat allat aatsitassatigut ingerlatsiviinik suleqateqarnissamut isumaqatigiissuteqarpugut.

National Energy Board of Canada
Nunatsinni Aatsitassanut Ikummatissanullu Aqutsisoqarfik aamma Canadami National Energy Board isumaqatigiissuteqarput siunertaqartumik aatsitassanut tunngasutigut ingerlatsivinni sulinerit pisullu pillugit misilittakkatigut paarlaasseqatigiittarnissamik. Tamanna assersuutigalugu tassaasinnaavoq aatsitassanut tunngasunik malittarisassaliornermut piumasaqaatit pillugit ilisimasanik paarlaasseqatigiinneq, nakkutilliinerit oqartussatullu suliarinninnerit, malittarisassalioriaatsit suleriaatsillu, najoqqutassaq aamma ”pitsaanerpaamik periuseqarneq”, aamma nukissiuutitigut niuerfiit, nukissiuutinik ingerlatsinerit aamma nukissiuutitigut pilersaarutit aalajangersimasut pillugit ilisimasanik paarlaasseqatigiinneq.
Suleqatigiinneq tassaasinnaavoq ataatsimiinnerit, sulisutigut paarlaasseqatigiinneq, ataatsimoorluni sungiusarnerit assigisaallu. Illuatungeriit ukiumut marloriarlutik naapittarnissaat isumaqatigiissutip ilagaa.

National Energy Board of Canadap nittartagaa uani takuuk.   

Uani Memorandum of Understanding between the Bureau of Minerals and Petroleum of Greenland and the National Energy Board of Canada regarding Cooperation nassaariuk.

Norgemi Oljedirektoratet
Oljedirektoratip aamma Aatsitassanut Ikummatissanullu Aqutsisoqarfiup akornanni suleqatigiinnissamut isumaqatigiissutip siunertaraa ikummatissanut nunap iluaneersunut tunngasuni illuatungeriit akornanni suleqatigiinneq siuarsassallugu, nukittorsassallugu inerisassallugulu. Tamanna assersuutigalugu tassaasinnaavoq maleruagassat, malittarisassioriaatsit ingerlataqarnerillu pillugit ilisimasanik paarlaasseqatigiinneq pillugu suleqatigiinneq. Suleqatigiinneq tassaasinnaavoq ataatsimiinnerit, pilersaarutit aalajangersimasut pillugit suleqatigiinnerit, isumasioqatigiinnerit aamma atuartitsinerit, imaluunniit oqartussaqarfinni sulisut tikeraarneri paarlaasseqatigiinnerillu. Illuatungeriit ukiumut ikinnerpaamik ataasiarlutik naapittarnissaat anguniarneqarpoq.

Oljedirektoratip nittartagaa uani takuuk.

 
Norgemi Oljedirektoratip aamma Nunatsinni Aatsitassanut Ikummatissanullu Aqutsisoqarfiup akornanni suleqatiginnissamut isumaqatigiissutaat uani nassaariuk.

Isumaqatigiissutit allat

Uani Inuussutissarsiornermut, Aatsitassanut Niuernermullu Naalakkersuisoqarfiup (MIM) aamma De Nationale Geologiske Undersøgelser for Danmark og Grønlandillu (GEUS) pilersaarusiat pillugit suleqatigiinnissamut isumaqatigiissutaat takuuk.

Uani Inuussutissarsiornermut, Aatsitassanut Niuernermullu Naalakkersuisoqarfiup (MIM) aamma De  Nationale Geologiske Undersøgelser i Danmark og Grønlandillu (GEUS) siunnersuineq sulianillu allanik nakkutiginninneq pillugit suleqatigiinnissamut isumaqatigiissutaat takuuk.

Uani Inuussutissarsiornermut, Aatsitassanut Niuernermullu Naalakkersuisup aamma Klima-, Energi- og Bygningsministerip akornanni siunnersuineq sulianilu allanik nakkutiginninneq pillugu suleqatigiinnissamut isumaqatigiissutaat takuuk. 

Uani Norgemi Petroliumstilsynet Aatsitassanut Ikummatissanullu Aqutsisoqarfiullu akornanni suleqatigiinnissamut isumaqatigiissutaat takuuk.

Uani USGS-ip suleqatigiinnissamut isumaqatigiissutaat takuuk.