Aatsitassanut Aqutsisoqarfik

Aatsitassanut Aqutsisoqarfik - aatsitassanut aqutsisoqarnermut iserfissaq

Nunatsinni aatsitassatigut oqartussat 2018-mi august-ip aallaqqaataani tassaapput Aatsitassanut Aqutsisoqarfik, Aatsitassanut Suliffeqarnermullu Naalakkersuisoqarfimmiittoq, Aatsitassanut Suliffeqarnermullu  Naalakkersuisoqarfimmi  aamma Aatsitassanut tunngasunut Avatangiisinut Aqutsisoqarfimmi.

Avatangiisinut Aqutsisoqarfik maani Pinngortitamut, Avatangiisinut, Ilisimatusarnermullu Naalakkersuisoqarfimmiippoq.

Inatsisitigut tunngavigisarput tassaavoq aatsitassat pillugit ingerlatallu tamatumunnga pingaarutillit pillugit inatsisartut inatsisaat nr. 7, 7. december 2009-imeersoq (Aatsitassanut ikummatissanullu inatsit). Uani Aatsitassanut Ikummatissanullu inatsit pisortatiguunngitsumik katitigaq takusinnaavat.

Innuttaasutut annikitsunik ingerlatsinissamut akuersissummik qinnuteqarnissaq kissaatigigukku, imaluunniit ingerlatseqatigiiffittut uuliamik, aatsitassanik, sermimik imermilluunniit misissueqqaarnissamut, ujaasinissamut imaluunniit piiaanissamut akuersissummik qinnuteqarnissaq kissaatigigukku maanga qinnuteqassaatit. Tamatuma kingorna suliniut oqartussatut suliarinninnermut ikiuuttunik oqartussanut allanut ataqatigiissassavarput. Periuseq kinguneqarluartumik suliamik suliarinninnermik qulakkeerisoq.

Innuttaasoq: Annikitsumik ingerlatsinissamut akuersissutinut qinnuteqarnermi immersuiffissat uani nassaarisinnaavatit: www.sullisivik.gl







Ingerlatseqatigiiffik: Qinnuteqarnermi immersuiffissat, maleruagassat, najoqqutassallu uani nassaarisinnaavatit: www.govmin.gl

Uani saffiugassanit erlinnartunit nioqqutissianik nakkutiginninneq naqissusiisarnerlu pillugit nunani tamalaani isumaqatigiissutip 15. november 1972-imeersup nalunaarutigineqarnera takusinnaavarsi.

Qinnuteqaatit Aatsitassanut Aqutsisoqarfimmi Akuersissutinut Immikkoortortaqarfimmit tiguneqaraangata suliamik suliarinninneq aallartittarpoq. Ingerlatavit Aatsitassanut ikummatissanullu inatsimmi piumasaqaatinik tamanik eqqortitsinera qulakkiissavarput. Immikkoortortat assigiinngitsut suleqatigalugit tamanna pisarpoq, titartakkami ataani takutinneqartutut. Tamanna naleqqutsillugu immikkoortut allat aamma ilanngutitinneqartarput.

Inatsit malillugu Naalakkersuisunit akuerineqartussaq ingerlatassaq pineqartillugu Inuussutissarsiornermut, Aatsitassanut Suliffeqarnermullu Naalakkersuisoqarfimmut inassuteqaasiussaagut. Taakku inaarutaasumik isummernissamut tunngavissiamik Naalakkersuisunut suliaqassapput, akuersissullu pillugu aalajangiisoqarluni. Inatsit malillugu uagut nammineq aalajangiiffigisassarput ingerlatassaq pineqartillugu Aatsitassanut Aqutsisoqarfimmi aalajangiissaagut. Aatsitassanut Aqutsisoqarfimmi aalajangiinerit Naalakkersuisunut naammagittaalliuutigineqarsinnaapput.