Narsami ujaqqat pinnersaasiassat pillugit paasiniaaqatigiinneq

Qanoq iliorluni pinngortitami ujaqqat pinnersaasiassat nassaarineqartarpat?  Tuniniaqqinneqarsinnaappat? Apeqqutit taakkua allarpassuillu akissutissarsikkit. Una erseqqinnerusumik qimerlooruk.

Sapaatip akunnerata naanerani ulluni 9.-11. septembari 2016 Narsami ujaqqat pinnersaasiassat pillugit paasiniaaqatigiissitsinermi peqataasinnaavutit. Paasiniaaqatigiissitsinermi assigiinngitsunik saqqummiisoqassaaq, ilaatigut qinnuteqaateqarnermi suleriaatsit, suliaqarfissamut pilersaarusiortarneq, suliarinneqqittarneq aamma tuniniaasarneq pillugu oqaluttuartoqassalluni.

Ujaqqat pinnersaasiassat qanoq suliarineqartarnersut aamma nalilersorneqartarnersut, paasiniaaqatigiinnermi ulluni marlunni siullerni paasisaqarfigilluassavat. Aamma annikitsumik aatsitassarsiorluni ujaqqanut pinnersaasiassanut suliassaqarfimmi qanoq illit aallartissinnaanerlutit tusagaqarfigissavat, tassani ilaalluni qanoq iliorlutit akuersissummik qinnuteqaateqassanerlutit.

  • Ujarassiooq Arent Heilmann-ip aamma ujarassiooq Ole Christiansen-ip ujaqqanik pinnersaasiassanik ujarassiortarneq pillugu oqalugiassapput
  • Ujaqqanik eqqumiitsuliortoq Peter Lindberg-ip sumiiffimmi misilittakkani pillugit oqalugiassaaq
  • Aatsitassanut Ikummatissanullu Aqutsisoqarfik, Pisinnaatitsissutinut immikkoortortaqarfik qinnuteqaatinut suleriaatsit aamma aallartisartarneq pillugit oqalugiassaaq

Paasiniaaqatigiinnermi ulloq kingulleq ulloq tamaat angalaarluta qaqqamukassaagut. Tassani ujaqqanik pinnersaasiassanik assigiinngitsunik ujarlissaagut aammalu ujarassiorneq pillugu tusagaqassalluta.

Pisussanut paasissutissat aamma peqataanissamut nalunaarneq

Peqataanissamut akiliutissaq ullunut pingasunut tamaginnut katillugu 100 koruuniuvoq. Ulluni tamani ulloqeqqasiorneq, kaffe aamma tii ilaapput. Unnuineq aamma angallassineq ilaatinneqanngillat. Akiliineq pissaaq kontumut unnga: 6471-1000486. Akiliinermi peqataasussap aqqa allassavat. 

Peqataanissamut nalunaarneq aningaaserivikkut nuussinermut allagartap uppernarsaatip uunga mlsa@nanoq.gl kingusinnerpaamik ulloq 17. aggusti 2016 nassiunneratigut pissaaq.