Majoriaq pillugu naliliinermik seminarertitsineq

Inuussutissarsiornermut, Suliffeqarnermut Niuernermullu Naalakkersuisoq Naalakkersuisoq Vittus Qujaukitsoq oktobarip 14-ianiit 16-iata tungaanut Majoriaq pillugu Nuummi seminarertitsivoq.

Seminarertitsinissami peqataassapput, kommunini inuussutissarsiornermut suliffeqarnermullu ataatsimiitsitaliani ilaasortat, pisortat, ingerlatsinermut pisortat, nunatsinni Majorissani aqutsisut siunnersuisullu aammattaaq kommunini Namminersorlutillu oqartussani siunnersortit.

Suliffissanut, Ilitsersuisarnernut Pikkorissaaqqittarnernullu qitiusumik ingerlatsiviit pillugit inatsit 1. januar 2016 aallarnerfigalugu atuutilerpoq. Inatsisip imarisarai siornatigut suliffissarsiuussisarfiit piareersarfiillu Suliffissanut, Ilitsersuisarnernut Pikkorissaaqqittarnernullu qitiusumik ingerlatsiviillu katitinnerat, maanna Majoriamik atserneqartoq.

Seminareqarnermi peqataasut qitiusumik ingerlatsiviit pillugit inatsisip atulersinnera, februarimilu seminareqartitsereernerup kingorna qanoq pisoqarnera aamma aaqqissuussinerup sannaata killiffiatalu saqqummiunneqarnissaat sammineqassallutik.

Seminareqartitsineq pillugu tusagassiutinut nalunaarut.

Ullunut pingasunut pilersaarut aamma saqqummiussat eqikkaanerillu imaapput:

Pilersaarut

Tallimanngorneq oktobarip 14-at

Peqataasut: Kommunini inuussutissarsiornermut suliffeqarnermullu ataatsimiitsitaliani ilaasortat, pisortat, ingerlatsinermut pisortat, nunatsinni Majorissani aqutsisut siunnersuisullu aammattaaq kommunini Namminersorlutillu oqartussani siunnersortit.

  1. Suliffisanut, Ilitsersuinernut Pikkorissaaqqittarnernullu inatsisip atuutsilernerani killiffiup sammineqarnera. Februarimi aallarnisaalluni ataatsimiinnerup kingorna sunik pisoqarpa.

  2. Inuussutissarsiornermut, Suliffeqarnermut, Niuernermut Nunanullu Allanut Naalakkersuisup Vittus Qujaukitsup tikilluaqqusilluni oqalugiaataa.

  3. Kommuninit sisamaasunit aaqqissuussaanerup ilusilersornerata saqqummiunneqarnera killiffiillu saqqummiunneqarnerat.
  4. Majoriaq-mi sulianik eqqartuineq, suleriaatsinik toqqarneqartunik allaaserinninneq, suleqatigiiffimmi il. il. ataatsimiittarnerit
  5. Sioqqutsisumik soraarnerusiaqarnermi suliarinerup killiffia aammalu suleqatigiiffik

Arfininngorneq oktobarip 15-at

Peqataasut: Fagchefit, Majoriaq-mi pisortat ilitsersuisut Namminersorlutillu oqartussani atorfillit.

  1. Sulinermi siunnersortit ilinniartinneqarneranik saqqummiineq. Kingornatigut ataatsimut oqallinneq.
  2. Isumaqatigiissutit allannguutaannik saqqummiineq.
  3. Majoriaq-mi atuagarsorluni piginnaanngorsaaneq aamma sunngu.gl pillugu paasissutissiineq.
  4. Majoriaq Ilulissani atuartut ilisarititsinertalimmik aallartinnerat.
  5. Kommunikkaartumik suleqatigiinni suliassat 1. januar 2017 nallertinnagu naammassineqartussat
  6. Suliffisanut, Ilitsersuinermut Pikkorissaaqqittarnermullu inatsisip atuutsilernissaani 1. januar 2017-ip tungaanut  qanoq pilersaaruteqarnersoq qanorlu suleriartoqaqqissanersoq pillugu saqqummiussineq.
Suleqatigiinni suliassat imarisai:
  • Suliffissaqanngitsut qassit CV suli.gl-imi allattussallugu amigaatigaat?
- 1.januar 2017 nallertinnagu allattoreernissaannut suna pilersaarutaava?
  •  Majoriaq-mi, isumaginnittoqarfiup atuarfiarfiillu suleqatigiinnerat sumut killippa.
- 1.januar 2017-ip tungaanut  suleqatigiinneq ingerlalereersussaasoq suna pilersaarutaava?
  •  Majoriaq-mi atorfillit suliassaat piginnaasaqarfigisassaallu /Majoriq-mi sulisut pikkorissaaqqinnissaannut pisariaqartitsinermi sumut killittoqarpa?
- Suna nutaajua qanorlu ilillutik sulisut ataasiakkaat suliassaat  qanoq agguataarneqarsimanersoq suliffinni ataasiakkaani paasisimaneqarnersut qulakkeerneqassava?
  •  Suleriaatsinik allaaserinninneq

- Atornerini suut misilittagarineqalerpat? Suleriaatsinik allaaserinninnerit sorliit suliarineqassasut kissaatigineqarpa?