Sullissinermut, Aningaasaqarnermut Sulisoqarnermullu Immikkoortortaqarfik

Immikkoortortaqarfimmiipput sullissinermut immikkoortoq, kiisalu aningaasaqarnermut sulisoqarnermullu immikkoortoq. Immikkoortortaqarfik atorfilittatut sullissisarfiusussatut inissisimavoq aammalu nalinginnaasumik naalakkersuisoqarfimmi pisortamut aamma Naalakkersuisumut tunngatillugu immikkoortortaqarfiit akimorlugit suliassat ataqatigiissaarisuusarluni.
Sullissinermut immikkoortumi Naalakkersuisoq aamma naalakkersuisoqarfimmi pisortaq sullinneqarput, Naalakkersuisumut allakkatigut saaffiginnissutit ataqatigiissaarneqarlutik, Naalakkersuisunut isummernissamut tunngavissiat aamma ilisimatitsissutit, kiisalu Inatsisartunut najoqqutassat ataqatigiissaarneqarlutik, ilanngullugit pitsaassutsimik qulakkeerineq.

Aningaasaqarnermut sulisoqarnermullu immikkoortoq naalakkersuisoqarfiup ukiumoortumik aningaasanut inatsisissamut siunnersuusiornermik, aningaasanut inatsimmi atugassiisarnermik aammalu naatsorsuutitigut akiligassatigut suliaqarneranik ataqatigiissaarisuuvoq. Ilanngullugit kukkunersiuiluni misissuisarneq kiisalu missingersuutinik malinnaaneq. Immikkoortortami aamma sulisunut tunngatillugu suliassanik suliarinninnermi allaffissorneq isumagineqarpoq.