Pinngortitap Paarsisui

Pinngortitap Paarsisui pillugit paasititsiniaanermi ileqqutoqqagut aammalu tamatta ataatsimoorluta Kalaallit Nunaannik paarsinissarput eqqaasitsissutigineqassapput. Tamatuma peqatigisaanik meeqqat inuusuttullu pinngortitap najukkatta, avatangiisit silallu pissusiata paarilluarnissaannut Pinngortitap Paarsisuinut ikiuunnissamut kajumilersinneqassapput isumassarsiortinneqassallutillu.

Inua suua aamma Pinngortitap Paarsisui ataasiakkaat sunik isumagisaqartuuppat?
Oqaluttuatoqqani oqaluttuarineqartarpoq, pinngortitami pissutsit inuttulli anersaaqartut tarneqarlutillu – tassalu ”inua”. Inuk pinngortitarlu imminnut atasuupput. Oqaluttuatoqqani inuit pinngortitap oqimaaqatigiinnissaanut akisussaaqataasarput – soorlu sassuma arnaanik oqaluttuami.

Pinngortitap Paarsisui immikkoorutilinnik nukeqarput. Pisinnaasorisatsinnit annertunerusumik pisinnaatilertarpaatigut. Pinngortitap Paarsisui pillugit oqaluttuatsinni nukitoqarsuit, pinngortitap oqimaaqatigiinnissaanik nungusaataanngitsumillu ingerlatsinissamik sorsuuteqarnermi atortagaat oqaluttuarineqarput.


Anorip Inua: Anorip suialaallu nunarsuatsinni silap pissusia, pinngortitamut sunniuteqartartoq pilersittarpaat. Anorip Inua pinngortitami ukiup qanoq ilineranut qulakkeerisarpoq nukissamillu pilersitsisarluni, aammalu pinngortitap paarsisui allat ikiorsinnaavai.



Ermup Inua: Engup naasut immamilu uumasut uumassuseqalersittarpai. Ermup Inuata imartatta, kuutta tatsittalu imeqarfiit mingutsinneqannginnissaat sorsuutigaa.



Qaarsup Inua: Qaqqat qaarsullu inuuffigaagut aammalu isumalluutinik akoqarput. Qaarsup Inuata sumiiffiit inuuffigisatta paarinissaat mingutsinneqannginnissaallu sorsuutigaa.



Pinngortitap Inua: Pinngortitap naasui uumasunut inunnullu inuussutissaqartitsipput. Pinngortitap Inuata pinngortitap najukkatta paarinissaat mingutsinneqannginnissaallu sorsuutigaa.



Innerup Inua: Inneq nukimmik kissamillu pilersitsisarpoq, kisiannili aamma ikuallatsitsisarpoq aseruisarlunilu. Innerup Inuata inneq nakkutigisarpaa aammalu ikuallattunik akiuiniarnermi, taamaalillunilu inuit uumasullu najugaasa pingaarnerit ajoqusinginnissaannik anguniagaqarnermi ikiortarluta.


Uumasut Inua: Uumasut uatsinnut inunnut inuussutissaqartitsipput inuunissamullu tunngavissaqartitsillutik. Uumasut Inuata uumasut najugaasa mingutsinneqannginnissaat akornusersorneqannginnissaallu sorsuutigaa.


Facebook-ikkut nittartagarput Pinngortitap Paarsisui aamma nittartagarput www.inua.gl alakkakkit.