Pinngortitamik Avatangiisinillu Mianerinninneq pillugu Nersornaat

Namminersorlutik Oqartussat ukiut tamaasa Pinngortitamik Avatangiisinillu Mianerinninneq pillugu Nersornaat Kalaallit Nunaanni pinngortitamut avatangiisinullu sunniuteqarluartunut inunnut, suliffeqarfinnut kattuffinnulluunniit tunniunneqartarpoq

2004-mi Naalakkersuisunit aalajangerneqarpoq Pinngortitamik Avatangiisinillu Mianerinneq pillugu Nersornaasiisoqartassasoq. Nersornaasiineq siulleq 2007-mi ingerlanneqarpoq  ukiullu tamaasa ingerlanneqartarluni.

Kikkulluunniit, nersornaat kimut tunniunneqassanersoq innersuussaqarsinnaapput, piumasaqaatit ataani allaqqasut malinneqarpata:

Inuit, suliffeqarfiit kattuffiilluunniit tamatsinnik pinngortitamik avatangiisimillu mianerinninnissatsinnik ilisimaarinnilersitsisut imaluunniit Kalaallit Nunaanni suliniuteqarnermikkut avatangiisitsinnik pitsanngorsaataasumik iliuuseqarsimasut nersorniarlugit nersornaat tunniunneqartarpoq.

Tassa imaappoq, inunnut, suliffeqarfinnut kattuffinnulluunniit, Kalaallit Nunaanni pinngortitamut avatangiisinullu sunniuteqarluartunut imaluunniit pinngortitamut avatangiisinullu ilisimasaqarlualersitsisumut, nersorinnissutitut akissarsiassaq Naalakkersuisunit tunniunneqarsinnaavoq.

Pinngortitamik Avatangiisinillu Mianerinninneq pillugu Nersornaat innersuusseqqusinerit tusagassiutitigut nalunaarutigineqartarput. Innersuussinissamut ulloq killigititaq nalinginnaasumik septembarip oktobarillu nalaaniittarpoq, allanngorarsinnaallunili. Nersornaasigassatut innersuussinerit uunga nassiunneqarsinnaapput pan@nanoq.gl tunngavilersorneqassallutilllu sooq innersuunneqartoq nersornaaserneqassanersoq.

Ukioq manna inuit, kattuffiit suliffeqarfiilluunniit eqqakkanik katersinermik imaluunniit eqqagassaqarnaveersaartitsinermik immikkuullarissumik suliniuteqartut nersornaaserneqassapput.

Innersuussinissamut ulloq killigitinneqartoq: 30. september 2017

Innersuussut uunga nassiunneqassaaq pan@nanoq.gl tunngavilersuutit attaveqarnissamullu paasissutissat ilanngullugit.