Misissueqqaarnerni, ujarlernerni, suliani mikisuni aamma ilisimatusarnikkut misissuinerni avatangiisini pissutsit




Sumiiffiit malussajasut sumiippat?

Avatangiisinik, pinngortitamik silallu pissusianik illersuinissamut piumasaqaatit sumiiffiit ilaanni ukiumi piffissani aalajangersimasuni sammisaqarnissamut atuupput.

Online-kkut nunap assingani sumiiffiit malussajasut takutinneqarput. Sumiiffinni malussajasuni ornigulluni sulinissamut, saffiugassanut tunngatillugu ingerlanneqartunut maleruagassat piumasaqaatillu immikkut ittut atuupput.

Avatangiisini pissutsit pillugit paasisaqarusunnermi apeqqutissaqarnermilu eamra@nanoq.gl aqqutigalugu attaveqarfigineqarsinnaavugut.

Åben naturemap.eamra.gl som fuldskærm.

Misissueqqaarnerit ujarlernerillu suuppat?

Ujarlernerit 1000-iugaangata, ataaseq aatsitassanik piiaaveqalernissaa ilimanaateqartarpoq. (Najoqqutarisaq: mining.com)

Ilimanaatillit uppernarsaaffiginiarlugit nunap ilusianik, kisiannili aamma avatangiisinik teknikkimullu tunngasunik misissuinerit amerlasuujusarput.

Taamaattumik ingerlatseqatigiiffiit saffiugassanik ujarlertartut misissueqqissaarnissamut ujarlernissamullu akuersissutit aallarniutigisarpaat, aammalu misissuiffiit assigiinngitsut aallartiffigisarlugit.

Misissueqqaarnerni ujarlernernilu sumiiffinnut ornigulluni misissuinerni piumasaqaatit malittarisassallu uku atuutsinneqarput, taakkununngalu aamma avatangiisinut piumasaqaatit maleruagassallu atuupput: www.govmin.gl.

  • Misissueqqaarnissamut akuersissut tassaavoq sumiiffimmut annertunerusumut (Kalaallit Nunaata Avannaani, Tunumi imaluunniit Kitaani) akuersissut, kisermaassisinnaatitaaffiunngitsoq ujarlernissamullu pisussaaffiliinngitsoq.
  • Ujarlernissamut akuersissut sumiiffimmut mikisumut atuuttussaavoq, kisermaassisinnaatitaaffiusussaalluni ujarlernissamullu pisussaaffiliiffiulluni. Ujarlernissamut akuersissummi piumasaqaatit nalinginnaasut ukiut 22-t angullugit atuuttussaapput. Ukiut tamaasa ujarlernissamut pisussaaffeqarneq annertusisarpoq.

Maannarpiaq Kalaallit Nunaanni 60 misissueqqissaarnissamut ujarlernissamullu akuersissutigineqarput. 2019-imi Kalaallit Nunaanni sumiiffinni 26 ornigulluni misissuisoqarpoq.

Misissueqqaarnerni ujarlernernilu sumiiffinnut ornigulluni misissuinerni piumasaqaatit malittarisassallu uku atuutsinneqarput, taakkununngalu aamma avatangiisinut piumasaqaatit maleruagassallu atuupput:

Suliassat mikisut ilisimatusarnikkullu misissuinerit tamatigut immikkoortillugit naliliiffigineqartarput, kisiannili tunngaviusumik ornigulluni sulinissamut maleruagassat assigiit malinneqartussaapput.

Ornigullu sulinissamut nalunaarusiortarnissamullu maleruagassat

Ornigullu sulianut tamanut aatsitassanik piiaaniviup aallartinnissaata tungaanut maleruagassat, ilaatigut ukuninnga nassuiaaffiusut:

  • Ingerlatseqatigiiffiup akuersissutip ataani suliassat suut suliarisinnaanerai
  • Aatsitassarsiornermut Oqartussaasunit akuersissutit allat suut piumasarineqarnersut
  • Sumiiffiit suut malussajasutut naliliiffigineqarnersut, aamma tamanna peqqutigalugu sumi suliaqarnissamut angallannissamullu killilersuisoqarnersoq
  • Nalunaarusiat suut ingerlatseqatigiiffiup oqartussaasunut nassittussaanerai.
  • Il. il.

Sulinermi tammaarsimaffiugallartuni eqqakkanik isumaginninnissamut maleruagassat

Ornigulluni suliffinni, ukiumut ullut 300-t sinnerlugit inuit najortagaanni eqqakkanik passussinissamut maleruagassat immikkut ittut.