Aatsitassarsiornermi suliat ingerlanneqartut tunngavigalugit avatangiiseq

Innersuussutigaarput, qulaaniittut videot isiginnaaqqaassagitit aammalu ilisimaarinnileqqaassasutit​.

Uani periarfissarivat:

  • Aatsitassarsiorfiup aqqanut mus tutsillugu. Suliassaq VVM-mik suliaqarnerup ingerlanerani sumiinnersoq ataani takussutissiaq takutinneqassaaq.
  • Nunap assinga toorlugu aammalu nunagis.gl-imi, suliassaq sumiinnersoq takullugu
, , , , , , , ,

Piffissat ingerlasarneri

  • Ujarassiorluni misissuinerit

    Ujarassiorluni misissuinerit – misissuineq.

  • Aallarniutaasumik avatangiisinik misissuinerit

    Aallarniutaasumik avatangiisinik misissuinerit ingerlanneqarput.

  • Suliniut isumalluarnarpoq

    Suliniut isumalluarnarpoq. Taamaattumik suliffeqarfik avatangiisit pillugit naliliinissaminut pilersaarummik nassiussivoq – suliassat allassimaffiannik kommissoriamik.

  • Ilisimatuussutsikkut siunnersuisartut apeqquteqarput

    Avatangiisinut Aqutsisoqarfiup ilisimatuussutsikkut siunnersortaasa pilersaarut nalilersorpaat. Apeqquteqarlutillu.

  • Apeqqutit akineqarput

    Suliffeqarfiup apeqqutit akivai, misissueqqipput imaluunniit allannguillutik.

  • Suliassat allattorsimaffiat kommissoria piareerpoq

    Avatangiisinut Aqutsisoqarfik suliassat allattorsimaffiat pillugu allanik apeqqutissaqanngilaq.

  • Pilersaarut suliassallu allattorsimaffiat tamanut ammasumik piareersaataasumik tusarniaassutigineqarput

    Tamanut ammasumik piareersaataasumik tusarniaaneq – ulluni 35-ni kalaallisut, qallunaatut tuluttullu.

  • Sukumiisumik nalunaarusiaq

    Tusarniaanermi akissutigineqartuni oqaaseqaataasut tamarmik tamanut ammasumik allakkiamut allanneqassapput (sukumiisumik nalunaarusiaq). Sukumiisumik nalunaarusiaq kalaallisuunngortinneqassaaq, qallunaatuunngortinneqassaaq tuluttuunngortinneqarlunilu.

  • Sukumiisumik nalunaarusiaq aaqqissorneqassaaq

    Suliffeqarfiup sukumiisumik nalunaarusiaq oqaaseqarfigissavaa – tusarniaanermilu oqaaseqaatigineqarsimasut tunngavigalugit pilersaarutini aaqqissorlugit.

  • Tunngaviusumik misissuineq (baseline) ingerlanneqarpoq

    Suliassanut allattorsimaffik tunngavigalugu suliffeqarfiup avatangiisinut sunniutaasussanik naliliinissaminut (VVM) missingiut suliaralugu aallartippaa. Suliffeqarfiup pissutsinut naleqquttunut tamanut tunngaviusumik misissuinini ingerlatissavaa (baseline).

  • VVM-imut missingiut

    Suliffeqarfiup VVM-imut missingiutini nassiutissavaa uppernarsaatissat paasissutissallu ilanngullugit.

  • VVM-imut missingiutip nalilersorneqarnera

    Avatangiisinut Aqutsisoqarfiup ilisimatuussutsikkut siunnersortaasa VVM-imut missingiummi aatsitassanut ikummatissanullu inatsimmi piumasaqaatigineqartut najoqqutassallu atuuttut malinneqarnersut nalilersussavaat. Apeqquteqartoqassaaq.

  • VVM-imut missingiutip naliliiffigineqarnera

    VVM-imut missingiutit arlallit nassiunneqartarnerat nalinginnaasuuvoq, suliallu uteqattaartarnera nalinginnaasuulluni.

  • VVM-imut tunngatillugu misissuinerit allat

    Suliffeqarfiup apeqqutit akissavai, VVM-imullu tunngatillugu allanik misissuissalluni imaluunniit allannguissalluni.

  • Avatangiisinut Aqutsisoqarfiup VVM-imut missingiut nalilersussavaa

    Avatangiisinut Aqutsisoqarfiup VVM-imut missingiut nalilersussavaa aatsitassanut ikummatissanullu inatsimmi piumasaqaatigineqartut najoqqutassallu atuuttut malinneqarnersut. Tusarniaassutigineqartut kalaallisut, qallunaatut tuluttullu allassimassapput.

  • Tamanut ammasumik tusarniaaneq

    Naalakkersuisut VVM-imut missingiut tamanut tusarniaassutigissavaat tusarniaanermullu atatillugu ataatsimiisitsissallutik. Tusarniaaneq sivikinnerpaamik sap.ak. 8-nik sivisussuseqassaaq.

  • Sukumiisumik nalunaarusiaq

    Tusarniaanermi oqaaseqaatit tamarmik allanneqaqqissapput.

  • Sukumiisumik nalunaarusiaq oqaaseqarfigineqassaaq

    Avatangiisinut Aqutsisoqarfiup ilisimatuussutsikkut siunnersortaasa sukumiisumik nalunaarusiaq misissussavaat oqaaseqarfigalugulu. Sukumiisumik nalunaarusiaq kalaallisuunngortinneqassaaq, qallunaatuunngortinneqassaaq tuluttuunngortinneqarlunilu.

  • VVM aamma sukumiisumik nalunaarusiaq naammassisat

    VVM aamma sukumiisumik nalunaarusiaq naammassisat Naalakkersuisunut akuerisassanngorlugit saqqummiunneqassapput.

  • VVM-ip aamma sukumiisumik nalunaarusiap akuerineqarnerat

    Naalakkersuisut ataani taaneqartut pappiaqqat akuerereerpatigit, taava suliffeqarfiup piiaanissamut qinnuteqaatini nassiussinnaanngussavaa, ukulu ilaassapput: Avatangiisinut Sunniutaasussanik Naliliineq (VVM), Inuiaqatigiinni nungusaataanngitsumik atuinissamik naliliineq (VSB). Imminut akilersinnaaneranut misissuineq. Umiartornerup isumannaatsuuneranik misissueqqissaarneq.

  • Piiaanissamut akuersissut

    Piiaanissamut akuersissummi ilaatigut piumasaqaatigineqarpoq suliffeqarfiup nalunaarusiat akuerisat malissagaat – VVM aamma VSB.

  • Piiaanissamut matusinissamullu pilersaarutit

    Atuinissamut matusinissamullu pilersaarutit akuerineqarnerat.

  • Suliassat akuerineqarnerat

    Suliassanut akuersissutit suliarineqassapput akuerineqarlutillu.

  • Aatsitassarsiorfiliorneq

    Aatsitassanik piiaaffissaq aallartissinnaavoq.