Paasissutissat tamanut ammasut


VVM pillugu tamanut tusarniaanernut tunngasoq Video takuuk


VVM pillugu tamanut tusarniaanernut tunngasunik Atuarit

VVM pillugu suliaqarnermi inatsisitigut piumasarineqartut tusarniaanerit marluupput.

Aallarniutigineqassaaq suliniut pillugu ulluni 35-ni tamanut ammasumik piareersaataasumik tusarniaaneq, soorlu aatsitassanut ikummatissanullu inatsimmi § 87 a-d-mi allassimasoq.

Piareersaataasumik tusarniaasoqareerpat suliffeqarfiullu misissuineri ingerlanneqareerpata, suliffeqarfik missingiummik VVM-imik suliaqassaaq. Taamatut suliaqarnermi Naalakkersuisut najoqqutassiaat malinneqassapput. Malinneqarpata, taava VVM-imik tamanut tusarniaaneq inatsisitigut piumasarineqartoq aallartinneqarsinnaassaaq.

Tamanut tusarniaanerit piareersaataasumillu tusarniaanerit Naalakkersuisut Tusarniaavianni uani takuneqarsinnaapput.

Najoqqutassat uani nassaarisinnaavatit.


Paasissutissat tamanut ammasut

Aatsitassarsiornermut tunngatillugu avatangiisit pillugit paasissutissat amerlanerit nalunaarusiani atuarneqarsinnaapput. Paasissutissanut apeqqutissaqaruit eamra@nanoq.gl attavigiuk.

Avatangiisit pillugit paasissutissat isertuussat

Paasissutissat ilaat suliarineqanngitsut piffissami aalajangersimasumi killilersorneqarsinnaapput isertuunneqarsinnaallutillu. Aatsitassarsiorluni suliffeqarfik assersuutigalugu piffissami aalajangersimasumi paasissutissat nalunaarutigineqartut ilaannut piginnittutut pisinnaatitaaffeqarsinnaavoq. Ilisimatusartut paasissutissat namminneq katersukkamik ilisimatuussutsikkut saqqummersinnissaannut pisinnaatitaaffeqarput, tamanut saqqummiutinnginnerini.

Akuersissutit tamarmik allattorsimaffiat uani nassaarisinnaavat www.govmin.gl tassanilu akuersissuteqarfiusunut nunap assingani takusinnaallugit. Piiaanissamut akuersissutit imarisaat tamaasa Naalakkersuisut nittartagaanni takusinnaavatit https://naalakkersuisut.gl/kl-GL/Publications


Allagaatinik takunnissinnaaneq

Aatsitassanik Suliassaqarfinnut Avatangiisinut Aqutsisoqarfiup allagaatinik takunnikkumasut, Pisortat ingerlatsinerat pillugu paasitinneqarsinnaatitaaneq pillugu Inatsisartut inatsisaat nr. 9, 13. juni 1994-imeersoq, allannguutit ilanngullugit, tunngavigalugu suliarisarpai. Kalaallit Nunaanni inatsisit tamaasa uani nassaarisinnaavatit http://lovgivning.gl/.

VVM-inut tunngasunik allagaatinik takunnissinnaatitaaneq pillugu paasissutissat

VVM-mut nalunaarsuineq sulianut avatangiisinut annertuumik sunniuteqarsinnaasunut tamanut atuuppoq. Tamatiguunerusoq pisariaqalertarpoq aatsitassanut ingerlatsiviup misissueqqissaareernerup kingorna suliamik timitaliiniarneratigut.

Aatsitassarsiortut piiaanissamut qinnuteqarniarnertik tunngavigalugu VVM-imik suliaqartarnerat piffissaq sivisooq atorlugu ingerlanneqartarpoq. Amerlasuutigut ukiorpassuit ingerlasinnaasarlutik.

Piffissap ingerlanerani kinaluunniit allagaatinik oqartussanut nassiunneqarsimasunut takunnikkumasinnaavoq, Pisortat ingerlatsinerat pillugu paasitinneqarsinnaatitaaneq pillugu Inatsisartut inatsisaat tunngavigalugu. Naalakkersuisut 18. Oktober 2017-imi aalajangerpaat tamanna aamma missingiutinut oqartussanut nassiunneqarsimasunut atuuttoq. Tamanna aamma atuuppoq missingiutit naammassisimanngikkaluarpataluunniit, akuerineqanngikkaluarpataluunniit arlalitsigullu amigaraluarpataluunniit. Assersuutigalugu VVM-imik nalunaarutinut missingiutit naammassineqanngitsut.

Allagaatinik takunnikkumasunut allagaatit tunniunneqarnerat isumaqanngilaq tamanut tusarniaaneq aallartittoq. Tamanut tusarniaaneq aatsaat aallartittarpoq, aatsitassanut ikummatissanullu inatsisimmi piumasaqaatit najoqqutassiallu atuuttut VVM-imik nalunaarummi eqqortinneqarsimappata.