Imeq errortuivikoq

Imeq errortuivikoq ulluinnarni pinngitsuugassanngilaq. Imermik errortuivikumik kuutsitsisoqassappat, Avatangiisinut Pinngortitamullu Naalakkersuisoqarfimmit akuersissut pisariaqarpoq. Tamatumani kuutsitsinerup sapinngisamik isumannaatsumik aammalu peqqissuseq avatangiisillu annertunerpaamik eqqarsaatigalugit pinissaa qulakkeerniarneqarpoq.

Imeq errortuivikoq sunaana?

Imeq errortuivikoq tassaavoq imeq sunaluunniit najugaqarfinnit, suliffeqarfinnit illunillu allanit kuutsinneqartoq. Imermut errortuivikumut angerlarsimaffinniit imeq errortuivikoq, saliinernit imeq errortuivikoq, perusuersartarfinnit imeq errortuivikoq, suliaqarfinnit imeq errortuivikoq, imeq imaarsaanermit pisoq aamma imeq qalianit nunallu qaavanit pisoq ilaatinneqarput.

Kuutsitsinissamut akuersissut

Imeq errortuivikoq kuunnut, tatsinut immamulluunniit taamaallaat kuutsinneqarsinnaavoq, Avatangiisinut Pinngortitamullu Naalakkersuisoqarfik kuutsitsinissamut akuersissuteqarsimappat. Kuutsitsinissamut akuersissuteqarnermi atugassarititaasunik arlalinnik malinneqartussanik piumasaqartoqassaaq. Assersuutigalugu akuersissut kuutsitassat annertussusissaannut katitigaanerinullu, ilusiligaanerinut, nammineerluni misissuinissamut, saliisarnermi iliuusissanut piffissamullu killiliussanik piumasaqaatitaqarsinnaavoq.

Kuutsitsinissamut akuersissummik qinnuteqaat

Kuutsitsinissamut akuersissummik qinnuteqaat imaqassaaq:

  • Qinnuteqartoq piginnittullu pillugit paasissutissat
  • Suliffeqarfik/angerlarsimaffik/sanaartugaq kuutsitsisussaq pillugu nassuiaat 
  • Sanaartukkap qinnutigineqartup pilersinneqarnissaa pillugu paasissutissat
  • Titartakkat, illup illuutillu immikkoortuisa allat, kuuffeqarfimmut kuutsitsivigineqartussamut atassuserneqarsimasut inissisimaffiinik takutitsiviusut 
  • Imeq errortuivikoq pillugu nassuiaat 
  • Atugassarititassatut aamma nammineerluni nakkutiginninnissamut siunnersuutit 

Kuutsitsinissamut akuersissummik qinnuteqaat Pinngortitamut Avatangiisinullu Naalakkersuisoqarfimmut tunniunneqassaaq:

 
Pinngortitamut Avatangiisinullu Naalakkersuisoqarfik pan@nanoq.gl  
Postboks 1614
3900 Nuuk

Suliffeqarfinnik annertuallaamik immikkut mingutsitsisunik ingerlatsinermut atatillugu imermik errortuivikumik kuutsitsisoqartassappat, avatangiisit pillugit akuersissummik qinnuteqarnermut peqatigitillugu imermik errortuivikumik kuutsitsinissamut qinnuteqartoqassaaq. Pinngortitamut Avatangiisinullu Naalakkersuisoqarfimmi tamanna aamma pissaaq.

Inatsisiliorneq

Imermut errortuivikumut inatsisitigut tunngaviusut tassaapput: