Kalaallit Nunaannut immani avatangiisini aarlerinaataasunik misissueqqissaarneq

Kalaallit Nunaanni eqqaanilu imartani avatangiisini aarlerinaataasunik misissueqqissaarneq suliarineqareerpoq.

Immani avatangiisini aarlerinaataasunik misissueqqissaarnermut siunertaavoq, Kalaallit Nunaanni umiarsuit angallannerannut tunngatillugu immani avatangiisini mingutsitsisinnaanerup aarlerinaateqarneranik ataatsimoortumik takussutissiinissaq. Misissueqqissaarneq Kalaallit Nunaanni siunissami immani avatangiisini upalungaarsimanerup katitigaanissaanut tunngaviusussani ilaatinneqassaaq.

Sakkutooqarfiup Ataatsimoortumik illersuisussap (Den Værnsfælles Forsvarskommando) Illersornissamut ministereqarfik sinnerlugu Kalaallit Nunaanni eqqaanilu imartanut immani avatangiisini aarlerinaataasunik misissueqqissaarneq suliaraa. Aarlerinaataasunik misissueqqissaarneq danskit illersornissamut isumaqatigiissutaanni nassuiarneqartoq, aqutsisooqatigiinnit ilaatigut Namminersorlutik Oqartussanit, Sakkutooqarfimmit Ataatsimoortumik illersuisussamit kiisalu Illersornissamut ministereqarfimmit inuttaqartinneqartumit aqunneqartumik suliarineqarpoq. DNV GL (Det Norske Veritas Germanischer Lloyd) suliarinnittuuvoq.

Nalunaarusiap tuluttuua uani atuarneqarsinnaavoq. 

Aamma imaqarniliaq uani atuarneqarsinnaavoq.