Avatangiisit pillugit akuersissutit

Suliffeqarfiit annertuallaamik mingutsitsisut tassaapput suliffeqarfiit annerpaamik mingutsitsisuusut. Suliffeqarfiit taamaattut avatangiisit pillugit akuersissutit aqqutigalugit ingerlatsinerminni atuunnerminnilu maleruagassaqartinneqarnissaat pingaaruteqarpoq, avatangiisinut peqqissutsimullu ajoqutaasumik mingutsitsingaatsiarnermik kinguneqartitsisinnaagamik. Pingaartumik suliffeqarfiit mingutsitsivallaat taamaammat avatangiisinut akuersissuteqartussaapput.

Sooq avatangiisit pillugit akuersissut?

Avatangiisit pillugit akuersissut atugassarititaasunik arlalinnik, suliffeqarfiup sananeqarnerani ingerlanneqarneranilu mingutsitsinermik annikillititsinissamik siunertaqarfiusunik imaqarpoq. Akuersissummi atugassarititaasut, soorlu aniatitanik killissarititaasunik, imermut errortuivikumut annerpaaffissanik, nipiliornermut killissarititaasunik nammineerlunilu misissuisarnissamut piumasaqaatinik imaqartut aalajangersarneqarsinnaapput.

Suliffeqarfinnik mingutsitsivallaanik aallarnisaaneq alliliinerluunniit

Suliffeqarfiit mingutsitsivallaartut tamatumunnga akuersissuteqartoqaqqaartinnagu sanaartor-neqaqqusaanngillat imaluunniit aallartinneqaqqusaanngillat. Suliffeqarfiit ingerlasut aamma avatangiisit pillugit akuersissutinik peqariinngikkunik akuersissutinik qinnuteqarsinnaapput. Suliffeqarfinni mingutsitsivallaartuni alliliinissaq imaluunniit allannguinissaq mingutsitsinermik annertusititsisoq akuerineqaqqaartinnagu alliliisoqassanngilaq, imaluunniit illutaannik ingerlatsinerinilluunniit allannguisoqassanani.

Avatangiisinut akuersissummik qinnuteqarneq

Suliffeqarfiit mingutsitsivallaartut il.il. avatangiisinut tunngatillugu akuersissuteqarfigineqartarnerat pillugu Namminersornerullutik Oqartussat nalunaarutaat nr. 11, 20. august 2004-meersoq naapertorlugu Ilanngussaq 2-mi immikkoortut tamaasa akiortoriarlugit isummerfigeriarlugillu avatangiisinut akuersissummik allakkatigut qinnuteqartoqassaaq.

Ilanngussaq 2 nanisinnaavat ugguuna.

Apeqqutit ilaannik akisiniaraanni uppernarsaatinik ilanngussisoqassaaq. Paasissutissat suliffeqarfimmut pineqartumut attuumassuteqanngippata qinnuteqaammi tamanna nalunaarutigineqartariaqarpoq. 

Avatangiisinut akuersissut Pinngortitamut Avatangiisinullu Naalakkersuisoqarfimmut nassiunneqassaaq uunga:

Pinngortitamut Avatangiisinullu Naalakkersuisoqarfik 
pan@nanoq.gl  
Postboks 1614
3900 Nuuk

Qinnuteqaatip tiguneqarnerani qinnuteqartoq piaartumik ilisimatinneqassaaq qinnuteqaat kiap suliarissaneraa. 

Avatangiisinut akuersissutit nutaat nittartakkakkut tamanut saqqummiunneqartassapput. Uani nassaarisinnaavatit Ussassaarinerit.

Inatsisiliorneq  

                                                           

Avatangiisit pillugit akuersissutinik qinnuteqartoqassaaq inatsimmi immikkoortut marluk malillugit: