Avatangiisinut aningaasaateqarfik suugami?

 

Inatsisartut 2018-ip ukiaanerani Avatangiisinut aningaasaateqarfissap pilersinneqarnissaa akuerivaat. Avatangiisinut aningaasaateqarfiup siunertaraa nuna tamakkerlugu avatangiisinut pitsanngorsaatinut pingaarutilinnut tapersersuinissaq.

Avatangiisinut aningaasaateqarfik Aningaasanut inatsimmi kontoqarpoq, aningaasallu suliniutinut aalajangersimasunut iliuuseqarfigineqartariaqartunut allanguiffiusariaqartunullu atorneqartassapput. Aallaqqaammut Avatangiisinut aningaasaateqarfimminngaanniit aningaasat killillit atorneqassapput, taakkualu eqqaaveqarnermi ineriartortitsisoqarnissaanut atorneqassallutik. Siunertaavorli aningaasaateqarfiup piffissap ingerlanerani annertusiartortinneqarnissaa.

Avatangiisinut aningaasaateqarfik aqqutigalugu utertitsinermut sequtserinermullu aaqqiissutaasinnaasunik suliaqartoqarsinnaanngussaaq taakkualu aqqutigalugit innuttaasut suliffeqarfiillu atortutit atorunnaarnikut suliassanngortissinnaanngussavaat. Aammattaaq Avatangiisinut aningaasaateqarfik aqqutigalugu avatangiisinut akitsuutit assigiinngitsut aallartinneqarsinnaanngussapput, tassuunalu atorunnaakkanik tunniussinermi aningaasartuutaanerusunut ersarissaataassallutik. Avatangiisinut akitsuutininngaanniit isertitat avatangiisinut suliniutinut iliuuseriniarneqartunullu atorneqartassapput. Avatangiisinut akitsuutaasinnaasut allat immikkut Inatsisartutigut inatsisiliuunneqassapput.

Avatangiisinut aningaasaateqarfik aqqutigalugu ukiuni tulliuttuni suliniarfigisassat ilaatigut tassaapput nuna tamakkerlugu eqqaanermut aaqqiissutit, anartarfilerinernut aaqqiissutit, eqqakkanik immikkoortiterinermut atoqqiinermullu aaqqiissutit , , ilaalu ilanngullugit. Pineqartuni assigiinngitsuni suliat kivitsiffigineqassapput Avatangiisinut aningaasaateqarfimmit aningaasat amerliartorneratigut,

Avatangiisinut aningaasaateqarfik Naalakkersuisunit aqunneqarpoq.