Avatangiisinut aningaasaateqarfik



Avatangiisinut Aningaasaateqarfik qinnuteqarfigineqarnissaminut ammarpoq


Avatangiisinut Aningaasaateqarfik sunaana?
Avatangiisinut Aningaasaateqarfimmiit suliassat, Kalaallit Nunaanni avatangiisinut iluaqutaasussat taperserneqartarput.
Inatsisartut 2018-imi ukiakkut Avatangiisinut Aningaasaateqarfik pilersinniarlugu aalajangerput. Avatangiisinut Aningaasaateqarfiup nuna tamakkerlugu avatangiisini pissutsinik pitsannguiniarluni suliat pingaarutillit tapersiiffigisarpai. Aningaasat suliniutinik nutaanik, mingutsitsinngitsunut allannguiniarnermi siuarsaataasinnaasunik misileraanermut atorneqartartussaapput.

2020-mi suut tapiiffigineqarnissaannut qinnuteqartoqasinnaava?
2020-mi ukununnga aningaasaliissutissanik qinnuteqartoqarsinnaavoq:
  • Suliassanut, anartarfilerinermi aaqqiissutissanik pilersitsiviusussanut piorsaaviusussanulluunniit. Suliassanut taakkununnga katillugit 2 mio. koruunit immikkoortinneqarput.
  • Suliassanut, eqqakkanik immikkoortiterinermik, atoqqiinermik imaluunniit eqqakkat immikkoortuinik ataasiakaanik issunngortiterinermik annertusaaviusussanut. Suliassanut taakkununnga katillugit 2 mio. koruunit immikkoortinneqarput.
  • Suliassanut, pingaartumik meeqqat inuusuttullu avatangiisinik eqqumaffiginninnerinik annertusaaviusussanut. Suliassanut taakkununnga katillugit 1 mio. koruunit immikkoortinneqarput.
Kikkut tapiiffigineqarnissamik qinnuteqarsinnaappat?
Avatangiisini suliassanut aningaasaliissutissat assersuutigalugu kommuninit, inuussutissarsiutinik ingerlataqartunit, atuaqatigiinnit inuinnarnillu qinnuteqarfigineqarsinnaapput.

Aningaasaleeqataanissaq piumasarineqarpa?
10.000 koruunit sinnerlugit qinnuteqaruit, minnerpaamik 25%-inik aningaasaleeqataanissat piumasarineqarpoq. 10.000 koruuninik taakkuluunniit inorlugit qinnuteqaruit, aningaasaleeqataanissat piumasaqaataanngilaq.

Qanoq ililluni tapiiffigineqarnissamik qinnuteqartoqarsinnaava?

Avatangiisinut Aningaasaateqarfik pillugu annertunerusumik atugaqarit, aammalu immersuiffissaq nassaariuk, uani:

Qinnuteqarnermi immersuiffissaq

Nalunaarusiornermi immersuiffissaq

Avatangiisinut Aningaasaateqarfik pillugu Inatsisartut inatsisaat

Avatangiisinut Aningaasaateqarfik Pinngortitamut Avatangiisinullu Naalakkersuisoqarfimmit aqunneqarpoq.
Qinnuteqartup Pinngortitamut Avatangiisinullu Naalakkersuisoqarfimmit tapiiffigineqarnissamik neriorsuummik tigusaqarnissani sioqqullugu aningaasartuutigisimasaanik utertitsinissamut Avatangiisinut Aningaasaateqarfik periarfissaqanngilaq.

Qinnuteqaatit Pinngortitamut Avatangiisinullu Naalakkersuisoqarfimmit misissorneqalerpata suliniutip Avatangiisinut suliniutip anguniagaanut qanoq naapertuutsiginersoq misissorneqartassaaq suliniummullu nassuiaatip pitsaassusaa aamma nalilersorneqassalluni.
Tapiissutaaniartoq tunniunneqartassaaq suliniut naammassisimatillugu aatsaallu Pinngortitamut Avatangiisinullu Naalakkersuisoqarfimmiit inaarutaasumik nalunaarut aningaasanut nalunaarutitalik ilanngussallu nassiunneqarsimatillugit. Paasissutissiinermut nalunaaruteqariaaseq aalajangersimasoq atorneqassaaq. Paasissutissiinermut nalunaarut mailikkut allakkatigulluunniit kingusinnerpaamik aggustip ulluisa 31-anni 2021-imi nassiunneqarsimassaaq.

Qaqugu qinnuteqarsinnaavunga?
Qinnuteqarnissamut killigitinneqarpoq 1. februar 2020.

Annertunerusumik paasisaqarusunnermi Pinngortitamut Avatangiisinullu Naalakkersuisoqarfik attaveqarfigineqassaaq.  E-mail: pan@nanoq.gl